Politikki Inuussutissarsiutit

Vittus amigartoorutit pillugit: Naalakkersuisut angalagamik

Vittus Qujaukitsoq Nuuk TV-mut ippassaq nassuiaavoq, paasissutissanik tamanut Naalakkersuisuni saqqummiussinermik kingusinneranut Naalakkersuisuugallartut angalanerat pissutaasoq.

Allattoq Apollo Jeremiassen

novembarip 27-at 2014 16:57

Nutserisoq Sara K. Jakobsen

- Ammasumik aqutsineq toqqammavigalugu nunarput naalakkersuinikkut aqunneqassasoq isumaqatigiissutigaarput. Siumup, Atassutip aamma Partii Inuit Naalakkersuisunngortitsinerminni siorna isumaqatigiissutaanni siuleqummi taama allassimasoqarpoq.

Nunatta Karsia septembarip naanerani 282 millionit koruuninik amigartooruteqartoq, aningaasarnermut naalakkersuisup, Siumumeersup Vittus Qujaukitsup, saqqummiunnaveersaarsimagaa ippassaq paasinarsivoq.

Aamma atuaruk Nunatta karsia milliardip sisamararterutaanik amigartooruteqarfiusoq

Aamma atuaruk Vittus tulluusimaanngilaq

Nuuk TV-mullu ippassaq nassuiaavoq, paasissutissanik tamanut Naalakkersuisuni saqqummiussinermik kingusinneranut Naalakkersuisuugallartut angalanerat pissutaasoq.

- Uani pisut mianersuutissavagut taputartuunnaveersaassagatsigit, tassami qineqqusaarneq ingerlavoq aamma naalakkersuisuugallartuni angalavugut, naalakkersuisuugallartuni ilaasortaq taama oqarpoq. Taannalu isumaqarpoq, ilisimatitsinissamik pisusaaffimmik sumiginnaasimanani.

Aamma atuaruk VIDEO Ilisimasalik: 2014-imut missingersuutit kusassaanertut isigineqarsinnaapput

- Uani uanga pisussaaffeqanngilanga inatsisitigut partiit siulittaasuinik immikkut ilisimatitseqattaarnissannut. Pisussaaffiga tassatuaavoq missingersuusiornermut inatsit naapertorlugu aningaasaqarnermut akileraartarnermullu ataatsimiisitaliamut ilisimatitsissallunga. Tassalu taanna aamma pisussaaffipput naalakkeruisuugallartuni eqquutsipparput, Vittus Qujaukitsoq Nuuk TV-mut ippassaq taama oqarpoq.