Vittup Aleqa Hammond Siumumi ilaasortanngorteqqikkusukkaa

Siumup Nuummi immikkoortortaqarfiani siulittaasunngoqqammersup, Vittus Qujaukitsup, folketingimut ilaasortaq Aleqa Hammond Siumumut ilaasortanngorteqqikkusuppaa. Atuagagdliutit ullumi saqqummersoq taama allaaserisaqarpoq.
Allattoq Karsten Sommer
juunip 20-at 2017 10:56
Nutserisoq Simon Uldum -

Politikerip assortuussutaasup Nunatta namminiilivinnissaanik suliaqarnermik nukittorsaasinnaanera Vittus Qujaukitsup qularutiginngilaa, taamatullu eqqarsaateqarnini pillugu partiip immikkoortortaqarfiinik arlalinnik oqaloqateqarsimalluni, Atuagagdliutit taama allaaserisaqarpoq.

AAMMA ATUARUK Vittus akerliugami naalakkersuisuujunnaartoq

- Namminiilivinnissap oqaluuserineqarnerani Siumup Folketingimi ilaasortaatitaqannginnera eqqarsarnartupilussuuvoq, Atuagagdliutinut taama oqarpoq nangillunilu:
 
- Taamaammat Aleqa Hammond Siumumut ilaasortanngoqqinnissamik piaarnerpaamik neqeroorfigineqartariaqarpoq. Nukiit tamaasa pisariaqartippagut, nukinnillu nunatta pisariaqartitaata ilagaat Aleqa Hammond, Siumup Nuummi immikkoortortaqarfiani siulittaasoq, Siumullu juulimi ataatsimeersualerpat Kim Kielsenimut unammillertaasoq taama oqarpoq.

AAMMA ATUARUK Aleqa Hammond nunatsinni politikkimut uteqqissinnaasoq

Aleqa Hammond Folketingip kreditkortianik 2016-imi aggustip qaammataani atornerluinerminut atatillugu Siumumit ilaasortaajunnaarsitaavoq.

AAMMA ATUARUK Overblik over Aleqas økonomi-sager

 

Aamma atuaruk