Uummateqarfik Nuummi ammaqqittoq
Nuummi innuttaasunut angerlarsimaffeqanngitsunut atugarliortunullu orniffik inini nutaani ammaqqippoq.
Kommuneqarfik Sermersooq nittartakkamini allappoq.
Orniffik Uummateqarfik angerlarsimaffeqanngitsunut innuttaasunullu atugarliortunut ulluinnaat ingerlannissaannut ajornaannerulersitsisunik arlalinnik periarfissiisarpoq.
Innuttaasut orniffimmi atuisut assersuutigalugu uffarsinnaapput, sammisaqaqatigiissinnaapput, killortissinnaapput errortanillu atisisinnaallutik.
Tamatuma saniatigut orniffimmik atuisut tamarmik kommunimit ikiorneqarnissamut periarfissanut atatillugu kommuneersumit oqaloqateqarnissamut periarfissaqarput.
Ammaqqinneralu kommunimit nuannaarutigineqarpoq.
- Nuannaarutigeqaarput Uummateqarfik ammaqqimmat, aammalu innuttaasut tapersersorneqarnissaminnut pisariaqartitsinerpaajusunut tapersersuinissamut neqerooruteqarsinnaagatta, kommunip angerlarsimaffeqanngitsuuneq pillugu suliassaqarfiani aamma Aqqusinerni angalaartunut sulianik ataqatigiissaarisoq, Marthannguaq Dahl Bech, oqarpoq.
Orniffik ullut tamaasa nalunaaqutaq qulingiluanit marluk tungaanut ammasarpoq, taannalu angerlarsimaffeqanngitsunut unnuisarfik illoqatigalugu Prinsessevej 2-miippoq. Unnuisarfik piumasaqaataasunik malinnissinnaagaanni unnuiffigineqarsinnaasoq, kommune allappoq.
