Taekwondomik Europami pissartanngorniuunnermi Kalaallit peqataassapput
Piffissami apriilip 13-anit 17-iat tikillugu Grækenlandip illoqarfiisa ilaanni Thessalonikimi Europami pissartanngorniuttoqassaaq.
Unammisartut marluusut unammissutsini frikampimi tul-imilu peqataassapput.
Pilunnguaq Filemonsen, Uummannaq, frikampimi 51 kg. tikillugit oqimaassusilinni tul-imilu qernertumik 1. Dan -ini peqataassaaq.
Villads Mølgaard, Nuuk, qernertunik 2. Dan-ini qitequtilinni frikampimilu 71 kg. tikillugit oqimaassusilinni unammeqataassq.
Angutinnguaq Tittusen unammisartut sungiusaasuattut angalaqataavoq. Lauritz Heilmannilu Dommeritut peqataalluni.
Nunanut allanut unammiartornissanut nunatsinni taekwon-dortartut kattuffiata unammiartussanut piumasaqaataat sakkortupput.
Aamma atuaruk Taekwondortartut angusaqarluartut
Unammisartut piareersarluarsimallutik unammiartortarnissaat pingaartinneqarpoq, unammiartornernullu tamakkiisumik sungiusaqatigiinnernut piareersaataasunut peqataasarnissaat. Taamaattumik unammisartut peqataasut piareersarluarsimapput, piffissarmi sivisooq atorlugu sungiusarnikuugamik.
Siornatigut nunarput amerlanerusunik EM-imut aallartartitaqartarsimavoq, ukioq mannali unammisartut ilaasa atuarnermik ajoquseqqanernillu peqquteqarlutik peqataasinnaasimanngillat.
Nunarput sinnerlugu europami pissartanngornermi peqataasut ukiuni kingullerni angusarissaarluartarput.