Uummannami qilalugartassat ilaneqaqquaat
Uummannap kommunea piumasaqarpoq Uummannap kommuneani qilalugartassat ilaneqassasut. Uummannami borgmesteri, Jens Lars Fleischer, tusagassiutinut taama nalunaaruteqarpoq.
- Uummannap kommunea arlaleriarluni qilalugartassat ilaneqarnissaanik qinnuteqartaraluarluni, akuerineqarsimanersoq akuerineqarsimannginnersorluunniit ullumimut suli akissuteqarfigineqanngilaq, akineqartariaqarporlu,
Jens Lars Fleischer allappoq nangillunilu:
- Taamatut qinnuteqarnitsinnut patsisigaarput, qilalugarpassuit Uummannap kangerluanut maannakkut pulasimaleruttormata.
Jens Lars Fleischerip allakkamini aamma erseqqissarpaa, piniartut inuussutissarsiornikkut periarfissaat ukiuni kingullerni annikillisimasut, aammalu qilalugarpassuaqartoq.
Uummannami borgmesteri, Jens Lars Fleischer, Naalakkersuisumut, Finn Karlsenimut, taama allappoq.
