Imeq kuuffinnniittoq imerneqarsinnaaleqqippa: Uummannarmiut aqagu paasisaqassapput

Uummannami imeq kuuffimmeersoq imerneqarsinnaanersoq innuttaasut aqagu paasissavaat, Nukissiorfiit taama nalunaarput.
Imermik aallerfigineqarsinnaasunik Nukissiorfiit, Utoqqaat Illuata, Napparsimmaviup, atuarfiup mittarfiullu eqqaannut inissiipput. Assi © : Nukissiorfiit
Ikerasammit Uummannamut ullormut pingasoriarluni imermik assartuisoqartarpoq - angallat imermik 2000 literisut angitigisumik usisinnaalluni, taamaalilluni imeq 6000-nit 8000- literinut annertutigisoq assartorneqarluni. Assi © : Nukissiorfiit
Aalisakkanik tunisassiorfiit Royal Greenland aamma Avannanna Seafood ulllut tamaasa imermik 1000 literinik tunineqartarput, imeq nunaqarfinnit illoqarfinniillu assartorneqartarluni. Assi © : Nukissiorfiit
Royal Arctic Linep angallataa Pajuttaat tankinik arfineq marlunnik tamarmik 1000 literinik imaqartunik usilluni Aasiannut Uummannamukarpoq. Assi © : Nukissiorfiit
Allattoq Jaaku Lyberth, Christine Hyldal
septembarip 26-at 2019 05:25

Ummannami imeq kuuffimmeersoq imerneqarsinnaanersoq innutaasut tallimanngornermi paasissavaat. Uummannami imeq uuliamik mingutsinneqarneratigut, imeq kuuffimmeersoq sapaatip akunnera ataaseq imerneqarsinnaanngilaq.

Imeq kuuffimmeersoq Danmarkimi misissuisarfimmi maannakkut misissorneqarpoq. Uummannami innutasut amerlanerit imissaqarniarlutik nilattartarput. Imermik aallerfigineqarsinnaasunik arlaqarlutik Kommuni illoqarfimmi sumiiffinni assigiinngitsunut inissiivoq, imeq nunaqarfimmit Ikerasammit aamma illoqarfinni allanit assartorneqarluni Uummannamukaanneqartarpoq.

Nunaqarfimmit Ikerasammit Uummannamut ullormut pingasoriarluni imermik assartuisoqartarpoq - angallat imermik 2000 literisut angitigisumik usisinnaalluni, taamaalilluni imeq 6000-nit 8000- literinut annertutigisoq Ikerasammit Uummannamut ullormut assartorneqartarpoq.  

AAMMA ATUARUK Kloringen af vandet i Uummannaq fungerer igen

Tankbiileq imermik 6.000 literimik nassartoq Qasigiannguanit Uummannamut pingasunngornermi tikipoq, taava angallat Royal Artic Linemeersoq imermut tankinik  arfineq marlunnik tamarmik 1000 literinik imaqartunik Aasiannit Uummannamut ingerlaarpoq,  Nukissiorfimmi aqutsisoqarnermi allatseqarfimmi pisortaq Sune Tougaard oqarpoq

Imeq klorimik akusussaallugu uuliamik akuneqarpoq

Nukissiorfimmi sulisut ilaata  septemberip ulluisa aqqarnganni kukkulluni imeq klorimik akusussaallugu uuliamik akusimavaa. Tamannalu sisamanngornermi septemberip ulluisa 19-anni aatsaat paasineqarpoq, taamaalineranilu innutaasut pasitsapput imeq uuliasunnimmat. 

Tamatuma kinguneraa, Uummannami pisortat suliffeqarfiit namminersortullu matusariaqarnerannik: Atuarfik, illoqarfiup aalisakkanik suliffissui marluk, timersortarfik cafe-lu ataasinngornermi matoqqapput, Nukissiorfillu marlunngornermi nalunaarpoq, erngup klorimik akuneqarnera aallarteqqittoq. 

AAMMA ATUARUK Nukissiorfiit Uummannaq: Klorimik kuisiniarluni uuliamik kuisisoortoq

Imeq kuuffimmeersoq imeqqaqqusaanngilaq, kisianni  Nukissiorfik aamma Nakorsaaneqarfik naliliiput, imeq kuuffimmeersoq, errorsinermut, errortornermut erruinermut asssattornermullu atorneqarsinnaasoq. 

Imeq kuutsilluaqqaarlugu atorneqartassasoq innersuussutigineqarluni. 

Uummannami innuttaasut unnugu arfinermut Timersortarfimmi ataatsimiisinneqassapput. Tamatuma saniatigut Peqqinnissaqarfimmit peqataasoqassaaq aamma apeqqutit peqqinnissamut tunngasut akissuteqarfigineqartassallutik, Nukissiorfiit taama paasissutissiipput.

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.

Aamma atuaruk