Imermik pilersuineq: Uummannami imermut klorimik akoorineq pissusissamisut ingerlaqqilerpoq
Uummannami inuup kukkussutigisaa pissutigalugu Uummannami imermik pilersuineq uuliaimik akuneqarsimalluni atoqqusaasimanngilaq.
Atuarfik kiisalu aalisakkeriviit marluk ippassaq matoqqapput. Aammattaaq illoqarfimmi timersortarfik aamma café ippassaq matoqqatinneqarpoq. Pilersuisup iffiorfia aamma imermik pilersuinerup ajorneranik aamma eqqugaaqqavoq.
Uummannami erngup suli imerneqarsinnaannginnera erseqqissaatigineqarpoq, imerli kuuffimmeersoq imminut eqqiluisaarnermut, atisanik errorsinermut, assaat errortornerannut, eqqiaanermut, erruinermut perusuersartarfimmilu kuutsitsinermut atorneqarsinnaavoq.
AAMMA ATUARUK Nukissiorfiit Uummannaq: Klorimik kuisiniarluni uuliamik kuisisoortoq
Erngup atorneqarnissaanut atatillugu sivisulaartumik kuutsinneqaqqaartarnissaa innersuussutigineqarpoq.
Innuttaasunut namminneq imermik tankimik pigisaqartunut atuuttut pillugit Nukissiorfiit aamma nalunaaruteqarpoq:
Imeq inuit angerlarsimaffiisa tankiinut septembarip ulluisa aqqarnata siornatigut immerneqarsimasoq mingutsinneqarsimanngilaq, nalinginnaasumillu atorneqarsinnaalluni.
Imeq inuit angerlarsimaffiisa tankiinut septembarip ulluisa aqqarnata kingorna immerneqarsimasoq atisanik errorsinermut, assaat errortornerannut, eqqiaanermut perusuersartarfimmilu kuutsitsinermut atorneqarsinnaavoq.
Imerli taanna imerneqassanngilaq, nerisassiornermullu inuttullu eqqiluisaarnermut kigutigissarnermullu atorneqarnissamut naleqqutinngilaq.