Uummannami eqqaavissuaq ikuallattoq
Uummannami eqqaavissuaq ikuallappoq. Ikuallanneq ullaaq arfineq-pingasut qiteqqunnerata missaani paasineqarpoq.
Avannaata Kommuniani qatserisartut ikuallattoq qaminniarsarileruttoraat, Uummannami teknikkimut immikkoortortaqarfimmi pisortaagallartoq Jarte Korneliussen KNR-imut ilisimatitsivoq.
Jarte Korneliussenip eqqaavissuarmi sulisut containerini siullermik ikuallaanasorisimavai. Kisianni tassa eqqaavissuaq ikuallattoq paasineqarpoq.
Qatserisartut ikuallattoq tassa qaminniarsarileruttorpaat, ikuallattorlu ualeru sisamat missaanni qamissagaat naatsorsuutineqarpoq.
Ikuallattoq pujuliorujussuanngilaq, pujorlu ikuallattup qanittuinut illoqarfimmullu siaruaatinngimmat akornusersuinani.
Uummannami innuttaasut eqqaavissuarmut ikuallattumut qanillattunnginnissaat, Avannaata Kommuniata Facebookimi quppernermini kaammattuutigaa.
