Uuliakuungaatsiartoqartoq: 120.000 literi tankimit aniasoq

Upalungaarsimasut uuliakoortoqarneranik nakkutiginnissinnaalerput.
Noget af dieslen er sivet ud i havet, og myndighederne er ved at undersøge hvor meget. Arkivfoto. Assi © : Beredskabsstyrelsen
decembarip 02-at 2022 15:04

Kulusummi tankimit dieselimik annertuumik aniatitsisoqarpoq. Katillugit 120.000 literimik uuliakoortoqarpoq.

Uuliakoortoqarnera unitsinneqarpoq, ajoqusertoqanngilarlu. Kalaallit Nunaanni Politiit tusagassiuutinut nalunaarummi allapput.

Uuliakoortoqarnera nunaqarfimmi innuttaasunut peqqissusaannut aarlerinartorsiortitsinersoq nalunaaruteqartoqanngitsoq politiit ilanngullugu oqaatigaat.

Upalungaarsimasut uuliakoortoqarneranit nakkutiginnissinnaalerput, pinngortitamullu uuliakoornerup killeqartinniarnera sulissutigaat. Taakku dieselimik tankimut utertitsinialeruttorput.

Silali taakkununnga unammillernarpoq, suliaqarneranullu ajornakusoortitsilluni.

Nunami uuliakoortoqarpoq, kisianni tatsit ilaannut kuuttoqarpoq, dieselillu ilaa imaanut kuulluni. Oqartussat dieseli qanoq annertutigisoq pineqarnersoq misissuleruttorpaat.