Utrechtimi saassussinerup peqqarniisaarniarnerunera pasitsaanneqartoq
Utrechtimi sporvognini ataasinngornermi aallaasersortoqarneranut atatillugu biilimi qimaassutigineqartumi allakkamik nassaartoqarneratigut peqqarniisaarniartoqarsimasinnaaneratut suliaq ilungersunartumik tiguneqartoq, Hollandip unnerluussisussaatitaasuata oqaatigaa. Nutaarsiassaqartitsivik Reuters taama allaaserisaqarpoq.
Utrechtimi aallaasersorluni saassussineq sporvoginimi ima ittumi pivoq
Allattoq Ritzau
marsip 19-at 2019 09:36
Nutserisoq Mads Lynge
- Suliamut atatillugu biilimi qimaassutigineqartumi allakkamik allanillu nassaartoqarneratigut saassussinermi peqqarniisaarniartoqarsinnaanera pasitsaanneqarpoq, unnerluussisussaatitaasut nalunaarutaanni allassimavoq.
Pasineqartup saassussinermilu toqutaasut pingasut ilisarisimasariinnissaannut takussutissaqanngilaq.
AAMMA ATUARUK Inuk ataaseq toqutaasoq
Ataasinngornermi aallaasersortoqarneranut atatillugu inuit marluk aamma tigusarineqarput.
Politiit angut 37-nik ukiulik, tyrkiameersoq aallaasersortoqarnerata kingorna akunnialuit qaangiuttut tigusaraat.
Aallaasersortoqarnerani pasisaasoq pingaarneq angut tyrkiameersoq ataasinngornermi 18.30-p missaani tigusarineqarpoq.
/ritzau/AFP
