Hollandimi aallaasersortoqarnera: Inuk ataaseq toqutaasoq
Inuk ataaseq aallaasersortoqarnerani toqutaasoq, arlallillu aqqunartitertut, politiit nutaarsiassaqartitsivimmut AP-mut nalunaarutigaat.
Saassussineq peqqarniisaarniarnertut isikkoqartoq, Hollandimi politiit oqaatigaat, angullu 37-nik ukiulik Tyrkiameersoq, politiinit ujaarineqaleruttortoq, tusagassiorfiit arlallit aamma allaaseraat, peqqarniisaarniartoqarsimasinnaaneralu aamma mattunneqarsinnaanngitsoq oqaatigalugu.
Saassussisuusimerarneqartoq aallaasersorfiup nalaanit qimaasoq takuneqarpoq, politiillu Utrechtimi ujaasileruttorlutik. Atuarfiit matutik tamanna pillugu matut parnaassagaat kaammattuutigineqarpoq.
AAMMA ATUARUK Hollandimi aallaasersortoqarnerani arlallit ikiligaasut
Hollandip ministeriunerata Mark Ruttep pisut ernummatigai, naalakkersuisoqatinilu Utrechtimi pisoq pillugu ataatsimeeqatigileruttorlugit.
Politiit Hollandimi ullaap tungaani nalunaaqutaq aqqanermut tanneq qulingiluanngortoq saassussisoqarneranik kalerrinneqarput, tassa nunatsinni arfinermut tanneq qulingiluanngortoq.
Utrechtimi universitetip matut igalaallu aamma matusimavai, isertoqarsinnaanilu anisoqarsinnaani.
Politiit suli tigusarinninngillat, Utrechtimilu illloqarfiup iluani angallanneq unitsinneqarallarpoq, taamaattorli Utrechtiliartoqarsinnaallunilu Utrechtimit avammut suli angallattoqarsinnaalluni.
Hollandimi illoqarfiit allat isumannaallisaaneq aamma annertusaavigaat.
ritzau/
The police asks you to look out for the 37 year old Gökman Tanis (born in Turkey) associated with the incident this morning at the #24oktoberplein in #Utrecht. Do not approach him but call 0800-6070. pic.twitter.com/U1IWEDtUYu
— Politie Utrecht (@PolitieUtrecht) 18. marts 2019
