Kim Kielsen: Utoqqatsertoqassagaluarpalluunniit misissuisoqarnissaa suli pingaaruteqarpoq

Danmarkip statsministerertaavata meeraanerminni misileraatigineqarlutik Danmarkimut aallartitanut utoqqatsernissaa Naalakkersuisut siulittaasuata nuannaarutigaa. Taamaakkaluartoq pisimasup qulaajarneqarnissaa suli piumasaraa.

Mette Frederiksenip Meeqqanut 22-nut Danmarkimut 1951-imi aallartitaanikunut Bornholmimi Qassimiuaartoqarnerani sapaatip akunneri marluk matuma siorna utoqqatsernissani neriorsuutigaa.

- Aperineqassaguma: Ministeriuninngoruit suna siullertut isumaginiarpiuk - taava akissaanga, qanga pisimasut, maanna pisut siunissamilu pisussat pillugit pisortatigoortumik utoqqatserfiginiarlugit, Mette Frederiksen oqarpoq.

Pisortatigoortumik Danmarkip utoqqatsernissaa Naalakkersuisut siulittaasuata nuannaarutigaa.

AAMMA ATUARUK Mette Frederiksen lover en undskyldning til eksperimentbørnene

- Kisianni qallunaat massakkut naalakkersuisortaavata erseqqissumik oqariartuutigereernikuuaa utoqqatserniarluni. Taanna qujarunnarpoq taamaattorli kissaatiginassaaq aamma qulaajagassartaa qanoq imaqarnersoq paasissallugu, Kim Kielsen oqarpoq.

Meeqqat 22-t Danmarkimut nuutsinneqarnerannut suliap qanoq ingerlasimaneranut qulaajaasoqarnissaanut Lars Løkke Rasmussenip ministeriunerata nalaani februaarimi isumaqatigiissutigineqarpoq.

Isumaqatigiissullu attatiinnarneqassasoq Naalakkersuisut siulittaasuata pingaaruteqartoq oqaatigaa.

AAMMA ATUARUK Ukiuni 68-ini utaqqereerlutik ukiumi ataatsimi utaqqeqqissasut

AAMMA ATUARUK Både Danmark og Grønland har ansvaret for eksperimentbørnene

- Naalakkersuisut siulittaasuisa siulia Lars Løkke Rasmussen isumaqatigiissuteqarfigereernikuuarput taakkununnga meeqqanut tunngatillugu qulaajaasoqassasoq, taava taakkua kingornatigut alloriaqqinnissaq tulleq suussanersoq iserfigineqartussaassaaq.

Meeqqat 22-t 1951-imi Danmarkimut nuutsinneqarput, danskit kulturiannut oqaasiinillu ilinniarnissaat tassani siunertaalluni. Meeqqat taakku nunatsinnut uterunik maligassiuisuunissaat siunertaagaluarpoq, meeqqalli inersimasunngorsimalerlutik aqqusaakkatik kingunerluutiigaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat