USA Ruslandimut pillaatitut iliuutsinik nutaanik atuutilersitsisoq

USA Ruslandimut pillaatitut iliuutsinik nutaanik atuutilersitsivoq, Ruslandip sorsussinnaassusia taamaaliornikkut eqqorniarsaralugu.

USA-mi atorfilittat qaffasissut ilaat taama ilisimatitsisoq nutaarsiassaqartitsiviup AFP-p nunat suliffissuaqarfiusut g-7-it Japanimi ataatsimiilinnginneranni allaaseraa. USA-p præsidentia Joe Biden ataatsimeeqataassaaq.

Nunat G-7-it Ruslandimut pillaatitut iliuutsinik nutaanik tamarmik atuutilersitsiniartut atorfilittap oqaatigaa.

Taassuma oqarnera naapertorlugu Ruslandip sorsussinnaassusia eqqorniarneqarpoq.

Tuluit Nunaat Ruslandimut pillaatitut iliuutsinik assigiinngitsunik aamma atuutilersitsinialerpoq.

Ruslandip aatsitassanik qalluinera eqqorniarpoq, soorlu aamma Ruslandip aluminiumik, aligoqqinnik, kanngussamik nikkelimilllu eqqussuinera eqqorniarneqartoq.

Nunat G-7-it Japanimi illoqarfimmi Hiroshimami ullumi tallimanngornermi ataatsimiilersussaapput.

Ruslandip pillaatitut assigiinngitsutigut iliuuseqarfiigineqarnissaata saniatigut Kinap sakkussaqarniarnikkut annertusaanera, aningaasarsiornikkullu nukittunerusunik inissisimaneruleriartornera ulluni pingasuni eqqartorneqassaaq.