USA nunat inoqqaavisa arnartaasa nakuuserfigineqartarnerannut akiuunniaqataalersoq
USA-mi naalagaaffiup unnerluussisuata William Barrip Montanami Flathead indianerit immikkut nunaanni Flathead reservatimi indianerit arnartaat, indianerillu siuttui, sapaatip-akunnerata siuliani tallimanngormat ataatsimeeqatigai.
Suliniutip the Missing and Murdered Indigenous Persons Initiativep aallartisarneqalernera, William Barrip tassani nalunaarutigaa, tassa nunap inoqqaavisa akornanni periarfeerunneqarsimanngikkunik toqutaasimasut pillugit suliniut.
AAMMA ATUARUK Canadap arnat toqutaasimasut eqqaaniarniarai
Los Angeles Times naapertorlugu USA-mi naggueqatigiit Inuit indianerillu akornanni arnat affaasa missaat nakuuserfigineqarsimanngikkunik toqutaasimasut, kisitsisit takutippaat, reservatinilu arnat toqutaasimasut USA-mi innuttaasunut allanut naleqqiullugu quleriaammik amerlanerullutik.
AAMMA ATUARUK Arnat toqutaasimasut pillugit nalunaarusiaq piareertoq
Arnat periarfeerunneqarsimasut pillugit allattorsimasuuteqalernissaq siunertaralugu aningaasat 10 millionit koruunit immikkoortinneqarput, naallu tamanna aaqqissuuteqartoqavinneranik kinguneqarunanngikkaluartoq, alloriarnerusoq pingaarutilik, William Barrip Associated Press-imut oqaatigaa.
AAMMA ATUARUK Ataatsimiititaliarsuup misissuinera naammassisoq
Nunap inoqqaavisa akornanni arnat 5712-t 2016-imi periarfeerunneqarsimanngikkunik toqutaasimasut, The Urban Indian Health Institutep siorna 2018-imi oqaatigaa. Kisitsisit pineqartut indianerit pillugit kisitsisaataapput, Alaskamilu naggueqatigiit Inunneersuullutik.
