USA-mi timmisartoq nakkarmat tallimat ajunaartut

Amerikap ilaani Louisianami timmisartoq arfinilinnik ilaasunik ullumi nakkarpoq.
Lafayette New Orleansimit 200 kilometinik kippasitsigaat. Assi © : google maps
Allattoq Ritzau
decembarip 28-at 2019 18:14

Louisianap illoqarfiisa ilaanni Lafayettemi timmisartup nakkarnerani ilaasut tallimat ajunaartut upalungaarsimasut nalunaarutigaat.

Timmisartup nakkarnerani ilaasoq ataaseq annassimavoq, timmisartullu nakkarfiata qanitaaniittut inuit pingasut ajoqusersimapput.

Timmisartoq ajoquteqarluni mikkiartornermini kallerup innerata aqqutaa arfininngornerup ullaatungaa qulingiluap missani aqqutalungisimagaa takunnittut oqaluttuaraat.

Nakkarnerminili qaarnera sakkortummat sumiiffiup qanittuaniittup allakkeriviup igalaavi qaarsimapput.

/ritzau/