Arkiv foto.Assi: Simon Uldum

USA-mi aatsaat taama oqitsigisumik naalungiarsummik inunngortoqartoq

Tupinnaqaaq inuummat, San Diegomi napparsimmavimmi sulisut tupigusupput. Iipilitummi mikitigaluni inunngorpoq.

Amerikami illoqarfissuarmi San Diegomi niviarsiaqqamik immikkuullarissumik inunngortoqarsimaneranik pingasunngornermi nalunaaruteqarput. 

Niviarsiaqqap inuuinnarnera tupigusuutigineqartoq Saybiemik taaguuserneqarpoq. Taannami inunngortuni mikinersaalluni inuuvoq.

Niviarsiaraq sapaatip akunnerni 23-ini anaanami naartuarereeraani inunngorpoq 245 gramisut oqimaassuseqarluni.

Saybie ullumikkut qiteqqussimalereerpoq, tusagassiuutillu nalunaarutaat naapertorlugu meeraq peqqilluni ullumikkut inuuvoq. Tamannalu angajoqqaavisa upperiuminaatsissimavaa.

Meeraq inunngormat akunnerup ataatsip ingerlanerani toqunissaa San Diegomi napparsimmavimmi nakorsat aarlerisaarutigisimagaluarpaat.

- Akunnerilli marluk qaangiupput, ulloq ilivitsunngorpoq, sapaatip akunninngorpoq, Saybiep anaanaa videomi nittartakkakkut attaveqatigiittarfimmut ilisaminut oqaluttuarpoq. 

Angajoqqaavisa meeqqap ativiat saqqummiukkusunngilaat. 

Ernereernerup kingorna qaammatit tallimat qaangiussimalersut niviarsiaraq kiilut marluk qaangilaarlugu oqimaassuseqalersoq angajoqqaanilu napparsimmavimmiit angerlartinneqarput.

Iowap ilisimatusarfiani meeqqani nakorsaanerni professori Edward Bellip oqarnera naapertorlugu aatsaat meeqqamik taama oqitsigisumik inuusumik nalunaarsuisoqarpoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat