Polar Seafood: Upernavimmi tunisassiorfiliortoqartussanngorpoq

Polar Seafood Upernavimmi tunisassiorfissamik nutaamik 40 milliuunit koruunilimmik sanatitsisussanngorpoq. 

- Upernavimmi qaleralinnik saattuanillu tunisassiorfiliornissatsinnut qilanaarpugut, sulisussanillu piukkunnartunik peqareerpoq, Polar Seafoodimi siulittaasoq, Henrik Leth oqarpoq.   

AAMMA ATUARUK Polar Seafood Tunumi misileraalluni saattuarnialerpoq

Upernavimmi tunisassiorfeqalerpat sulisut 20-t sulisorineqarnissaat naatsorsuutigineqarpoq, taamaammallu tunisassiorfik Upernavimmut iluaqutaalluarumaarpoq.

- Summiiffimmi raajanik qalerualinnillu aalisarluarnissamut isumalluarpugut, qilanaarpugullu illoqarfiup ineriartortinnissaanut tunniusseqataanissarput. Soorunami oqartussaasut akuersissuteqarnissaat allatullu suliap ingerlanerani isumagisassartaat utaqqisussaasarpavut, tunisassiorfittaassarlu 2019-ip ukiarnerani aammarsinnaajumaarlugu neriuutigaarput, Polar Seafoodimi siulittaasoq, Henrik Leth oqarpoq.

AAMMA ATUARUK Polar Seafood sinneqartooruteqarluartoq

Tunisassiorfiliornissamut atatillugu sanaartornissamut atortussat Upernavimmut anngutereersimasut aamma nalunaarutigineqarpoq.