Unnuk Kulturisiorfik 2022 taamaatinneqartoq
Unnuk Kulturisiorfik 2022 nunarput tamakkerlugu taamaatinneqarpoq. Ukiullu aappassaani corona pissutigalugu tamanna taamaatinneqarpoq.
Nunatta Atuagaateqarfia tusagassiuutinut nalunaarummi taama allappoq.
- Nunatta Atuagaateqarfiata aqutsisui nalilersuilluarsinnarlutik imaannaanngitsumik aalajangerput, tassalu Unnuk Kulturisiorfik 2022 arfininngornermi januaarip 22-anni pisussaagaluartoq taamaatiinnarniarlugu, Nunatta Atuagaateqarfiata pisortaa Elisa Petersen allappoq.
Nunatta Atuagaateqarfia Unnuk Kulturisiorfik 2000-imi aallartikkamiulli ukiumoortumik kulturisiorfimmik ataqatigiissaarisartuuvoq.
Tupaallannanngitsumik covid-19 taamaatitsinermut pissutaavoq.
- Covid-19 peqqutaavoq. Takorloorsinnaagatsigumi Unnuk Kulturisiorfiup anersaava atorlugu naammaginartumik illersorsinnaasumillu pisussaq ataqatigiissaarsinnaanagu. Siunissaq nalorninartoqarsinnaaqimmat taavalu pilersaarutit naatsorsuutigineqarsimagaluartut unitseriataarneqarsinnaammata, Elisa Petersen allappoq.
