Birna pillugu suliaq: Unnerluutigisap inuttaq alla tikkuaraa

Unnerluutigineqartup unnuami ullup qeqqatalu siorna susoqarsimaneranik nammineq oqalluttuani saqqummiuppaa. Unnerluutigineqartullu pisuunnginnerarnermi saniatigut kalaaleq inuttaq alla, suliamut matumunnga atasumik sapaatit akunnerini marlunni tigummigallagaasimasoq, maanna tikkuarpaa.
Tassalu inuttaq taanna alla Birna ilaasoralugu biilinik ingerlasoq ilaasorinagulu utertoq, unnerluutigineqartoq eqqartuussivimmi nassuiaavoq.

- Qanoq sivisutigisumik peqannginnersoq nalornissutigaara. Oqarasuaatiga tigumiannginnakku. Ullorissat isiginnaarpakka, unnerluutigineqartoq nassuiaavoq nangillunilu:

- Taava takkuppoq. Birna sumiinnersoq apeqqutigaara akivorlu qanittumiittoq pisuinnarlu uterniarluni aalajangersimasoq, Islandimi aviisi, Iceland Monitor taama issuaavoq.

Politiit inuttamut tassunga allamut pasilliissutitik tamaasa marsimi tunuartippaat, taannalu unnerluutigineqartoq nassuiaariiginnartoq nassuiaavoq. Inuttaq taanna oqarpoq, unnerluutigineqartup oqarneratut biilersimasinnaanani.

Aalakoorpallaarluni aammalu biilinik ingerlatsisinnaanermut uppernarsaateqarani biilernissamullu ilinniartinneqanngisaannarluni, inuttaq taanna nassuiaavoq.

- Biilersimanissara qularaara. Biilini sinilerama, oqaloqatigisimanissaa nalornisigaara. Tamakkiisumik eqqaamasaqarfiginngilara. Taama aalakoortigalunga biilersimaguma, ajutoorsimassagaluarpunga, inuttaq taanna alla eqqartuussivimmi Visir.is naapertorlugu nassuiaavoq.

Unnerluutigineqartup Islandimi oqartussanut siornatigut nassuiaatigisimasaanut sanilliullugit maanna nassuiaatigisai nutaajupput. Unnerluutigineqartoq eqqartuussivimmi oqarpoq, siullermik nassuiaanini politiinit tatineqarsimatilluni pisimasoq. 

Unnerluutigineqartup kisimiitilluni parnaarusimaneqarnermini politiinit pineqarnini isornartorsiorpaa.

Uppernarsaatit pequttaneersut eqqarsaatigalugit, unnerluutigineqartup sooq DNA-mik ilisarnaatini Birnap singiini nassaarineqarsimanersut nassuiarsinnaanngilaa.

Unnerluutigineqartoq assammini sakiamminilu sooq kitsuarneqarnersoq aamma aperineqarpoq, tamatumunngalu nassuiaavoq, sinimmini kumittarluni.

AAMMA ATUARUK Unnerluutigineqartoq Birna pillugu ullumi eqqartuussaassaaq

AAMMA ATUARUK Birnamut tunngatillugu pasisaq pingitsuutinneqartoq

Politiit inuttamut tassunga allamut pasilliissutitik tamaasa marsimi tunuartippaat, taannalu unnerluutigineqartoq nassuiaariiginnartoq nassuiaavoq. Inuttaq taanna oqarpoq, unnerluuigineqartup oqarneratut biilersimasinnaanani. Aalakoorpallaarluni aammalu biilinik ingerlatsisinnaanermut uppernarsaateqarani biilernissamullu ilinniartinneqanngisaannarluni, inuttaq taanna nasuiaavoq.

Unnerluutigineqartup Islandimi oqartussanut siornatigut nassuiaatigisimasaanut sanilliullugit maanna nassuiaatigisai nutaajupput. Unnerluutigineqartoq eqqartuussivimmi oqarpoq, siullermik nassiuaanini politiinit tatineqarsimatilluni pisimasoq. 

Unnerluutigineqartup DNA-mik ilisarnaatit nassuiarsinnaanngilai

Unnerluutigineqartup kisimiitilluni parnaarusimaneqarnermini politiinit pineqarnini isornartorsiorpaa.

Uppernarsaatit pequttaneersut eqqarsaatigalugit, unnerluutigineqartup sooq DNA-mik ilisarnaatini Birnap singiini nassaarineqarsimanersut nassuiarsinnaanngilaa.

Unnerluutigineqartoq assammini sakiamminilu sooq kitsuarneqarnersoq aamma aperineqarpoq, tamatumunngalu nassuiaavoq, sinimmini kumittarluni.