Unnerluutigineqartoq Birna pillugu ullumi eqqartuussaassaaq
Angut Birnamut toqutsisimasutut pasineqartoq ukiullu affaa sinnerlugu tigummineqartoq ilisimannittutut ullumi nassuaateqassaaq.
Inuit katillugit 37-t suliamut ilisimannittut aggersarneqarsimasut, islandermiut tusagassiorfiat RUV allappoq, angutillu pasineqartup aappaarisaa oqarasuaatikkut killisiorneqassalluni.
Birna pillugu suliaq juulimi suliarineqartussaagaluarpoq, tyskilli pinerlussimanermi nakorsat paasiniaasarnerannut atatillugu nalunaarusiaat kinguaattoorsimavoq, nalunaarusiaq pasineqartumut illersuisup piumasimavaa.
Nutaarsiassaqartitsivik RUV allappoq
Birna Brjánsdóttur Reykjavikimi illoqarfissioreerluni unnukkut januarip 13-ata 14-atalu akornanni tammaaneqalerpoq.
Assiliissutikkut takuneqatsiarsinnaasimavoq Birna kilisaammi Polar Nanoq-mi inuttat ilaannut attuumassuteqarsimasoq.
Tamatuma kingorna inuttat marluk tigusaapput Birna Brjánsdótturimullu toqutsimanermut pasineqarlutik, tigummigallarneqartulli aappaa iperagaavoq. Unnerluussutillu taamaatinneqarlutik.
Birnap timaa tammaaneqalerneranit sapaatip akunnera qaangiummat nassaarineqarpoq.
Ujaasinermi inuit 600-t peqataapput.