VIDEO Unnerluutiginnittoq: Nunatta karsianik atornerluineq unittariaqarpoq

Politikerit taakku pingasut, Siumumeersoq, Inuit Ataqatigiinneersoq Atassummeersorlu, aningaasanik peqquserluuteqarsimasutut piginnaanerminillu atornerluisimasutut unnerluutigineqarput.

- Saqqummernikuugami landskarserput atornerlunneqarsimasoq. Taava utaqqikumisaaraluaratsigu Inatsisartut imaluunniit Naalakkersuisut qisuariarnissaat. Kisianni massakkut malunnarsiartuaalerami susoqarnianngitsoq, Giiti Titussen KNR-imut taama oqarpoq.

Aamma atuaruk Hammondip Nunatta karsianit atugai amerlanerupput

Inatsisartut Kukkunersiuinermut ataatsimiititaliaat naapertorlugu, Aleqa Hammondip 2013-imit 2014-imut naalakkersuisunut siulittaasuunermini  sulinerminut attuumassuteqanngitsumik angalanernut, akunnittarfimmiinnermut imigassanillu pisinermut katillugit 204.000 koruunit nunatta karsianit akilertissimavai. Aningaasat taakku utertillugit akilerneqareerput.

Naalakkersuisut siulittaasutut siulerisaa, Kuupik Kleist, atorfimminut atatillugu angalanermini ilaquttani akiliutsissimavai 45.322 koruuninik akiitsoqalerluni, taakkunanngalu 20.288 koruunit utertillugit suli akilerneqarsimanngillat. Steen Lynge atorfimminut atatillugu angalanerni marlunni ilaquttami ilaanerinut ilisimanngisaminik 48.547 koruuninik aamma akiligassaqarsimavoq.

- Kukkunersiuinermut ataatsimiititaliap saqqummiunnikuugamikku misissuisimallutik taakkua pingasut eqqaaneqaramik. Taanna tunuliaqutaralugu taakkua politiinut tunniuppagut, allanik paasissutissanik pisinnaannginnatta innuttaasutut.

- Saqqummernikuugami landskarserput ukiorpassuarni atornerlunneqartarsimasoq arlaleriaq. Massakkut uagut isumaqarpugut unittariaqartoq.

Giiti Titussen Inatsisartunut ilaasortap Agathe Fontainip Inuit Ataqatigiinneersup erneraa.

Aamma atuaruk Kuupik V. Kleist Inatsisartunit tunuarniuteqarpoq

Aamma atuaruk Politikerit pingasut politiinut unnerluutigineqarput