Politikerit pingasut politiinut unnerluutigineqarput
Kuupik Kleist, Aleqa Hammond aamma Steen Lynge innuttaasunit sisamanit peqquserlussimasutut, piginnaatitaaffimminnik sumiginnaasimasutut aningaasanillu peqquserlussimasutut politiinut unnerluutigineqarput. Politiinut tunniussisut radiuaviisimut mailikkut tamanna nalunaarutigaat.
Allattoq Peter Bye Andersen, Nauja Møller
juunip 10-at 2015 14:52
Innuttaasut unnerluutiginnittut tassaapput Giiti Tittusen, Lara Olsen, Nuka Silas Nathanielsen aamma Jan Joe Seidsen.
Politikerit pingasut nunatta karsianut aningaasanik akiligassaqarsimanerat unnerluutiginninnermut pissutaasoq, mailimi atuarneqarsinnaavoq.
Unnerluutiginninneq Politiniit uppernarsarneqarsinnaanngitsoq, tassa innuttaasumit innuttaasumut unnerluutiginninerummat, Politiinit oqaatigineqarpoq.
Aamma atuaruk Hammondip Nunatta karsianit atugai amerlanerupput
Aamma atuaruk Ukiortaami angalanerminut atatillugu akiitsoqarnini Kuupiup nassuerutigaa
Aamma atuaruk Aviisi: Steen Lynge aamma akiligassaqarsimavoq
Aamma atuaruk Kukkunersiuinermik ataatsimiitsitaliap nalunaarutaa: Kuupik V. Kleist 20.288 koruuninik akiligassaqarpoq
