Umiarsuaq qimaannagaq pillugu eqqartuussivimmi suliaq kinguarteqqippoq

Maajimi eqqartuussisuuneqarfimmi eqqartuussisooqataasut  ilaat suliamut attuumavallaartoq paasineqarpoq, ataatsimiinnerlu unitsinneqarluni.

Suliaq 2012-imiilli aallartittoq maajip 29-ani eqqartuussivimmi tungaanut aallartikkaluarpoq, eqqartuussisooqataasut ilaat eqqartuussinermi allami Svend Åge Larsen eqqartuussisooqataaffigereersimammagu suliamullu attuumavallaartoq, unillatsiarnermi paasineqarmat, eqqartuussineq unitsinneqarpoq.

Eqqartuussisuuneq Kirsten Thomassen oqarpoq suliaq naliginnaasuunngitsoq oqaatigaa.

- Eqqartuussivimmi suliaq aallartileruttortoq, eqqartuussisooqataasut ilaat suliamut attuumavallaartoq paasineqarmat

Påiffissap sivikitsup iluani eqqartuussisooqataasussamik allamik pissarsivugut. Kingusissukkullu pissarsiarigatsigu suliaq aallarteqqaarmat eqqartuusseqataasimasoq paasiniaqqaanngitsoorparput, namminerlu Svend Åge Larsen nassuiaalermat aatsaat eqqaallugu.

Eqqartuussinissaq kinguarteqqippoq eqqartuussisuuneqarfimmi suliani eqqartuussisut marluusartussaammata aatsaat oktobarimiusinnaavoq tassani Østre - og Vestre Landsret-imiit tikittoqaqqissammat.

- Kinguarteqqinnera uggornaraluarpoq ataatsimeeqqinnissalli ulluleriarpata suliaq ingerlatissuarput, Christian Sørensen KNR-imut oqarpoq.

AAMMA ATUARUK Aalisariut umiusimasoq suliareqqitassanngortinneqartoq