Umiarsuaq nerisassanik inuussutissanik 200 tonsinik usilik Cypernimit Gazaliartoq
Umiarsuaq nerisassanik inuussutissanik 200 tonsinik usilik Cypernimit Gazamut marlunngornermi ullaakkut aallarpoq.
Immakkut aqqut ikiorsiissutissanik assartuinermi atugassaq nutaaq, EU-mit, USA-mit nunaniillu allanit ammarneqartoq umiarsuup "Open arms"-ip atorsinnaanngorpaa. Nutaarsiassaqartitsivik Reuters taama allaaserisaqarpoq.
Umiarsuaq qaqorteqqasunik, qajuuusanik, inuussutissallu proteinitaqartunik usilluni Gazaliartinneqarpoq, Spaniamiullu ikiuiniaqatigiiffianneersuulluni.
Cypernimit Gazamut aqqut 340 kilometeritut isorartutigaaq, umiarsuarlu akunnerit 15-it missaanni ingerlaartussaalluni. Nutaarsiassaqartitsivik Reuters taama allaaserisaqarpoq.
Gazamut ikiorsiissutinik assartuisoqarsinnaanissaa pillugu Cypernimit Akullersuakkut Gazamut aqqutip ammarneqarnissaa pilersaarutaasoq, EU-Kommissionip siulittaasuata Ursula von der Leyenip tallimanngormat nalunaarutigaa.
USA Gazami umiarsualivimmik ammaaniartoq, USA-p præsidentiata Joe Bidenip naalaagffiup inissisimanera pillugu "State of the Union"-imik taallugu ukiumoortumik oqalugiarnermini ilaatigut oqaatigaa.
Umiarsualivik Gazami innuttaasunut ikiorsiissutissanik assartuinermi atorneqassaaq.