Umiarsuaq Ilulissat eqqaanni sikumit tissukaassaasoq – Issittumi Sakkutooqarfik ornigutsitsisoq

Issittumi Sakkutooqarfiup umiarsuaa alapernaarsuut, Hvidbjørnen, Ilulissat tungaannukarpoq. 

Tassa umiarsuaq alapernaarsuut, Hvidbjørnen, umiarsuarmut ingerlaartilluni ajutumeereerluni sikumit tissukaassaasimasumut, Gustav Dalenimut, ikiuukkiartorluni Ilulissat tungaannukarpoq.

Issittumi Sakkutooqarfik Facebookimini taama allappoq.

Umiarsuaq Gustav Dalen sikumit tissukaassaasimalluni Issittumi Sakkutooqarfimmut sapaammi ikioqqusoq sikumit ingerlaqqissinnaaqqullugu Issittumi Sakkutooqarfiup umiarsuaa alapernaarsuut, Hvidbjørnen, siku aserorteriartorlugu ikiuukkiartorpoq.

- Hvidbjørnen anngukkuni Gustav Dalen sikumit arlaatigut nammineq kaanngarsimanngippat Ilulissat umiarsualiviata tungaanut sikusiuutigaluni kalissavaa, Issittumi Sakkutooqarfik allappoq.

Umiarsuaq Gustav Dalen Ilulissaniit avannamut kimmut 17 sømilit missaannik ungasitsigisumiippoq, tamatumalu nalaaniittuut allat ikiuussinnaappata, Hvidbjørnen nunatta imartaani alapernaarsueqqilissasoq, Issittumi Sakkutooqarfik Facebookimini allappoq. 

Issittumi Sakkutooqarfiup umiarsui alapernaarsuutit marluk allat ajutumeeqqallutik Nuup umiarsualiviani talinngaleruttorneranni taama pisoqarpoq.