Umiarsualivimmik assersuineq Nunatta Eqqartuussisuuneqarfiani suliarineqassaaq

Aalisartut arfinillit Nuummi umiarsualivik 2009-mi assersoramikku ingerlatsinikkut akornusersuisimasutut eqqartuunneqassanersut Nunatta Eqqartuussisuuneqarfiata ullumi pingasunngornermi aalajangiiffigissavaa.

Allattoq Inge S. Rasmussen

februaarip 24-at 2016 06:07

Nutserisoq Simon Uldum -

Aalisartut pineqartut tamarmik immikkut 2.500 koruuninik akiligassinneqartussanngorlugit eqqartuussivimmit pineqaatissinneqarput, taamatullu pineqaatissinneqarnertik suliassanngorteqqippaat.

Aalisartut KNAPK-meersut aalisakkat qaleruallillu akiisa minnerpaaffilerneqarnissaannik piumasaqaateqarnerat assersuisoqarneranut pissutaavoq. Aalisartut taamani isumaqarput assersuutigalugu saarullinnut akigitinneqartut apparaangata nunatta karsianit tapiisoqartassasoq.

Taamanili aalisarnermut naalakkersuisuusup Ane Hansenip (IA) taamatut piumasaqaateqartoqarnera akuerinngilaa, aalisartullu Nuummi umiarsualivik 2009-mi juulip qaammataani ulluni marlunni assersorpaat.

Kingorna eqqartuussisutigoortitsisoqassanersoq politiinit misissorneqalerpoq, tamannalu aalisartut arfiniliusut ingerlatsinikkut akornusersuisimasutut pineqaatissinneqarnissaannik siorna kinguneqarluni.

Aamma atuaruk Aalisarnermut ataatsimiititaliami siulittaasoq isornartorsiorneqarpoq

Aamma atuaruk Aalisartut umiarsualivimmik assersuipput

Aamma atuaruk Fiskere afviser Ane Hansens håndsrækning

Aamma atuaruk Havneblokade i Nuuk vil være i strid med loven

Aamma atuaruk Aalisartut umiarsualivinnik assersuiniarlutik sioorasaaripput