Ultra:bit atuartitsinermi atorneqassasoq
- Atuartut killeqanngitsumik takorluuisinnaanerisa ikummarissarnissaa, Nunatsinni Ilinniartitaanermut Aqutsisoqarfimmi atuarfeqarfinnut IT-mut siunnersorti, Ane-Kathrine Petersen taama oqarpoq.
Atuartut inersimasunngorunik suliffeqarfinni sulilissagunik digitalimik piginnaasaqarluartariaqarnissaat naatsorsuutigineqartariaqartoq, taanna oqarpoq. Tassanilu ultra:bit ikorfartuilluarsinnaavoq.
AAMMA ATUARUK Ipadsit iluaqutaallutillu ajoqutaasinnaapput
Nuna tamakkerlugu 5.klassimi atuartut qarasaasiaarannguamik innerit puuattut atsigisumik ukiaru tunineqassapput. Taanna qarasaasiarsuarmut attavilerneqarsinnaavoq.
- Ultra:bit augustimi 2018-imi aallarnerneqarpoq. Atuarfeqarfinnilu ilinniartitsissutinut assigiinngitsunut tulluarsagaalluni.
- Meeqqat DR Ultrap aallakaatittagaanik atortorissaaruserinermik ukkataqarfiusunik isiginnaarnissamut periarfissaqalissapput, taamaalillutik ulluinnarni unammilligassat qarasaasiaarartik atorlugu upannissaannut isumataarsinnaaniassagamik.
- Ultra:bit ukioqatigiiaanik isumataarsitsilerniartuussaaq, taakkua taamaalillutik qarasaasiaaqqatik atorlugit atortorissaarutinik nutaanik pilersitseqataasinnaangortillugit.
ultra:bit pillugu uani nangillugu atuaqqigit.
Najoqqutat: DR, Industriens Fond, CFU
Taamaalillutik atuartut ultra:bit atulissavaat. DR-ip CFU - Centre for Undervisningsmidler, tassa Danmarkimi ilinniartitsissutinik isumaginniffik suleqatigalugu Industriens Fondilu aningaasaliisoralugu ultra:bit aallarnerpaa.
Digitalikkut piginnaasat atuarfeqarfinni siuarsarneqarnissaat anguniarneqarpoq.
Taannamiuna qarasaasiaarannguaq qanoq atorneqartassasoq?
AAMMA ATUARUK Kommunit tamarmik meeqqat atuarfiat pillugu suleqatigiinniartut
- Imaassinnaavoq atuartut 5.klassit mikrobiti atorlugu kompasiliortut imaluunniit naturfagimi immaqa soorlu assersuutigalugu oqarutta geografimi termometer, taava soorlu silap qanoq nillertiginera paasiniarlugu, Ane-Kathrine Petersen taama oqarpoq
Atortorissaarut ilinniartitsissuni tamani atorneqarsinnaassaaq, aamma uumassusilerinermi:
- Imaluunniit aamma naasut assersuutigalugu biologimi imertertarnissaanut alarmeeraliortoqarsinnaavoq taava soorlu takuneqarsinnaalluni naasuutigut imertigassanngorput, imaluunniit aamma alarmiliorsinnaavugut matumut sianeq sorpassuarnik periarfissaqarpoq, Ane-Kathrine Petersen taama oqarpoq.
AAMMA ATUARUK Meeqqat atuarfiat pillugu suleqatigiinniarnerat pitsaalluinnarpoq
Meeqqat atuarfiini ilinniaritsisut puigorneqanngillat, tassami ultra:bit atorluarneqarneruniassammat, Ilinniartitaanermut Aqutsisoqarfiup pikkorissaanerit ilinniarititsisunut neqeroorutigissavai.
Danmarkimi 4. klassimi atuartut 60.000-tit ultra:bitimik atuisuupput. Nunatsinnilu atuartut 900-t tassannga aamma piumaarlutik.