Ulomi igasut naalagaat nunani avannarlerniit nersugaaneq tulluusimaarutigaa
Quppersakkami ataasinngormat saqqummersinneqartumi, neriniartarfiit 300-jut assigiingitsut allaaserineqarput.
Nunatsinni neriniartarfiit allaaserineqartut tassaapput Sarfalik Nuummiittoq, Restaurant Mamartut aammalu Restaurant Ulo Ilulissaniittut.
Aamma atuaruk Nipisap nerisassiassat Nunatsinneersut pingaartikkaluarpai
Restaurant Ulo Hotel Arctic Ilulissaniittoq Nunatsinni neriniartarfinni pitsaanertut nalilerneqartartoq quppersakkami aamma eqqaaneqarpoq.
Neriniartarfimmi Ulo-mi igasut pisortaat 36-nik ukiulik, Brian Larsen assut tulluusimaarpoq.
- Nunani Avannarlerni atuarneqarsinnaalerpoq Kalaallit Nunaat siullerpaamik peqataasoq, tamannalu aamma nittarsaannissamut periarfissatsialaavoq, igasut naalagaat oqarpoq.
Aamma atuaruk VIDEO Uumasuusivissuaq MSC-mik allagartalerneqartoq
Neriniartarfimmiit isikkivik kusanarluinnartoq nerisassaallu mamarluinnartut White Guidemi eqqaaneqarput. Illoqarfimmeersut nioqqutissai atussallugit, aammalu pisarneq malillugu igariaaseq nutarsagaq atorlugu iganissartik pingaartikkitsik Brian Larsenip oqaatigaa.
- Nunat Avannarliit igariaasaanut malillugit isumassarsiortarpugut, illoqarfitsinniillu nioqqutissat atorlugit igasarluta, assersuutigalugu nutaalianik suaasaliortarpugut, aammalu mattannik nerisassiortarluta, igasut naalagaat Brian Larsen oqarpoq.