Ulluni aqqanilinni ujaarineqartoq: Politiit angut Sisimiuni suli ujaaraat
Kalaallit Nunaanni Politiit 19-inik ukiulik, Minik Olinnguaq Konrad Olsen suli nassaarinngilaat.
Taanna decembarip 23-anili – tassa ullut aqqanillit matuma siornali Sisimiuni sakkortuumik saassussisoqarneranili tammaaneqalerpoq.
19-inik ukiulik ilisarisimasamini toqqorsimanersoq politiit ilisimanngilaat. Taamaattoqassappalli angut ujaarineqartuummat tamanna pillarneqaataasinnaasoq politiit nalunaarput.
Minik Olinnguaq Konrad Olsen Sisimiuni imerniartarfiup Starlightip silataani decembarip 23-ani nalunaaqutaq 03.15-ip missaani kingullermik takuneqarpoq.
Angut ima nassuiaatigineqarpoq 175 centimeterinik angissusilik, qernertunik nujalik, nerinnanngitsoq.
Ujaarineqartoq ulorianarsinnaasoq politiit nalilerpaat. Taamaammat takusimagaanni imaluunnit sumiinneranik ilisimannikkaanni politiinut oqarasuaatikkut 701448-mut sianertoqassaaq.
