Ullumi corona pillugu kisitsisit: Tunillatsittut nutaat 74-it
Nunatsinni tamani ulloq kingulleq 74-inik tunillatsittoqarsimavoq.
Ilulissani tallimat paasineqarput, Qaqortumi ataaseq, Sisimiuni ataaseq kiisalu Nuummi 67-it.
Taamaalilluni takuneqarsinnaavoq suli tunillaassuuttoqartoq, ingammik Nuummi, nakorsaaneqarfik taamatut nalunaarpoq.
Nunatsinni tamani taamaalilluni tunillatsissimasut 375-it nalunaarsorneqarput.
Kommuunikkaarlugit immikkoortiteraannimkisitsisit imatut isikkoqarput:
- Avannaata Kommunia: Arfineq marluk
- Kommune Qeqertalik: 46-t
- Qeqqata Kommunia: Arfinillit
- Kommuneqarfik Sermersooq: 313-it
- Kommune Kujalleq: pingasut
Misissortittut taamalillutik 7,3 procentii tunillatsissimapput. Taakkungannga takuneqarsinnaavoq tuniluunneq suli siammariartortoq, Nakorsaaneqarfik taamatut nalunaarpoq.
Ulloq kingulleq tunillatsittut ukiui agguaqatigiissillugit 32-upput.
COVID-19 pissutigalugu napparsimmavinni uninngasut sisamaapput. Nuummi marluk, Qaqortumi ataaseq kiisalu Sisimiuni ataaseq.
AAMMA ATUARUK Nakorsaaneq: Omikron Nunatsinnut pisimasoq tunillatsittut takutippaat
Maannakkut Nunatsinni tunillatsissimasut amerliartuaaginnavipput, soorlu Danmark-imi nunarsuattalu aamma annersaani pissutsit taama ittut.
Tamatumunnga pissutaasoq tassaavoq allannguut nutaaq tuniluutijasoq Omikron. Nakorsaanerullu Henrik L. Hansen-ip oqaasii naapertorlugit, Omikron aamma Nunatsinni tuniluutilereersoq qularnanngilaq.
Tamanna Nunatsinni suli teknikkikkuut uppernarsineqanngilaq. Maannakkorpiarli nualluutip tuniluutipallanneratigut taanna qularunnaarpoq:
- Misissortitassatta ilaat Danmark-imut nassiuppagut. Maannakkutummi nappaatip tuniluunnerata takutippaa siornatigut takusariikkatsinnit sukkanerusumik tuniluuttoqalersoq, taanna KNR-imut oqarpoq.
- Omikron-ip Nunatsinni tuniluutilernera qularineqarsinnaajunnaarpoq.