Anda Uldum & Kim Kielsen Inatsisartut ukiakkut ataatsimiilernanniAssi: Nils Baum, Bureau for Inatsisartut

Uldumip napparsimalersimanera Kielsenip uppernarsarpaa

Aningaasaqarnermut aatsitassanullu naalakkersuisup aamma Naalakkersuisut siuliulittaasuata tullersortaata, 36-nik ukioqartup Andreas Uldumip napparsimalluni sulinngiffeqarnissa pissutigalugu naalakkersuisut akornanni nikerartoqassaaq.

Kisianni kia imaluunniit kikkut Andreas Uldumip suliaanik tigusigallassanersut suli nalunarpoq, tamatuminngalu akissutissarsisinissarput aqagumut utaqqeqqaartariaqassagipput, Naalakkersuisut siulittaasuata, Kim KIelsenip KNR-imut oqaatigaa.

- Naalakkersuisoqarfinnut tunngatillugu, Naalakkersuisut maanna issiasut soorunami tassaniiginnassapput kisianni kia sumilu naalakkersuisoqarfinnik allanik akisussaaffeqalernissaat maanna nalunaarutigisinnaanngilara, Kim Kielsen oqarpoq.

 

Aamma atuaruk Uldum stressernini pissutigalugu sulinngiffeqarallalersoq

Tassuma suli aamma nalunaarutigisinnaannginnerarpaa, Andreas Uldumip paarlatissaa Demokraatineersuussanersoq.

- Tamanna naalakkersuisooqatigiit unnugu ataatsimiippata aatsaat aalajangerneqartussaassaaq, kisianni Demokraatineersuussanersoq soorunami suli nalunarpoq.

 

Napparsimalersimanerata maluginianngitsoornera ajuusaarnarpoq

Aningaasaqarnermut aatsitassanullu naalakkersuisup stressimik napparsimalersimanini, Naalakkersuisut siulittaasuannut ippassaani tusarliuppaa taamatullu nakorsamit uppernarsaammik tunniussilluni.

- Takkukkami oqaluttuuppaanga sooq napparsimalersimalersimanerluni aamma qaammatini pimgasuni sulinngiffeqarallarnissamik aalajangiussisimalluni oqaluttuullunga. Tamannalu tunngavigalugu sulinngiffeqarnissaanik akuerivara.

Kim Kielsen oqaluttuarpoq aamma oqarluni ajuusaarutigalugu Andreas Uldumip stressimik napparsimalersimanera maluginianngitsoorsimagamiuk.

- Naalakkersuisut siulittaasuattut akisussaaffigaara naalakkersuisoqatimma peqqissusaat aamma malinnaavigissallugu, taamaattumik ajuusaarutigaara aamma tujormigaara, Andreas Uldumip napparsimalersimanera maluginianngitsoorsimagatsigu, Kim Kielsen oqarpoq.

 

Aningaasanut inatsisip suliarineqarnera allanngussanngilaq

Taassuma erseqqissaatigaa, aappaagumut aningaasanut inatsisissap suliarineqarneranut atatillugu, Naalakkersuisut akornanni nikittoqarneranik tamanna allanngortinneqarnavianngitsoq aamma oqarluni aappaagummut inatsissaq, novembarip 15-anni naammassineqarumaartoq suli aalajangiussimaneqartoq.

Andreas Uldumip qaammatini pingasuni sulinngiffeqarallarnissaa sivisunerusinnaasoq aammali sivikinnerusinnaasoq, Naalakkersuisut siulittaasuata, Kim Kielsenip maanna suli oqaatigisinnaannginnerarpaa.

 

Aamma atuaruk Randi siulittaasuussaaq

 

Demokraatit siulittaasuattut amma tunuarallarpoq

Andreas Uldumip stressimik napparsimalernini pissutigalugu aamma Demokraatit siulittaasuattut tunuarallarpoq. Siulittaagallartutut maanna inissippoq, Demokraatit siulittaasuata tullia aamma Inatsisartuni ilaasortaq, Randi Vestergaard Evaldsen.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat