Uldum: Siumut kinguneqartitsivoq
Demokraatit kingullermik qinersinermit procentinik sisamangajannik siuariartut isumasiusitsinermierserpoq, Siumut 14 procent-pointinik kinguariartoq.
Siumumi piffissami kingullermi iliuuserineqartut kinguneqarsimasut partiip siulittaasua isumaqarpoq.
Aamma atuaruk Qinersisartut amerlanersaasa aningaasaqarneq pingaarnerpaatikkaat
- Ukioq ataaseq affarlu ingerlanerani ingerlatseriaaserisimasaat iliuuserisimasaallu qinersisartunit isiginngitsuusaarneqarnavianngimmat qinersisartut maluginiarsimassavaat kinguneqartillugulu, Andreas Uldum oqarpoq.
Isumasiusitsinermi Demokraatit partiiat qinersisartunit 9,9 procentinit tapersorneqarpoq, tapersersorluarneqarnermullu sunik patsiseqarnersoq Uldumip imatut eqqoriarpaa.
Aamma atuaruk IA partiit anginersarilissavaat
- Una misissuinerinnaagaluartoq soorunami nuannaarutigaara aamma qineqqusaartitatsinnut taanna tammassimaarutiginninnera oqaatigissuara. Taakku politikkitsinni nittarsaassilluarneranni tunngaveqarsoraara, Demokraatit siulittaasuat Andreas Uldum oqarpoq.
Inunnik isumasiuititsisarfiup Epinionip Kalaallit Nunaanni qinersisartut 731-it isumaannik tusarniaapput, KNR-imit Danmarks radiomillu suliakkiutaalluni.
