Politiit nalunaarusiaat: Ulapippugut, ilimagisamiilli eqqissimasoqarneruvoq

Tallimanngornermi qaammammusisoqarnissaanut utertoortoqarnissaanullu politiit piareersimalluarsimapput, ulapippullumi aamma ilimagisamiilli eqqissisimasoqarnerujussuusimavoq.

- Ulapippugut qujanartumilli pinartumik pisoqanngilaq, politiini pigaartoq Ole Hald oqarpoq.

Nuna tamakkerlugu angerlarsimaffimmi eqqissiviilliornerit taamaallat pisimapput.

- Orniguttarpugut eqqissiviilliornerilli sualutsippallaannginnerini unitsittarpagut, aamma sinerissami illoqarfinni allani taamaappoq, Ole Hald oqarpoq.

Sinerissami ikittuinnaat tigusarineqartut

Nuummi tallimanngornermi arfininngornerullu unnuaani tigusarinnittoqanngilaq. Sinerissamili illoqarfiit ilaanni aalakoortut ilaat politeeqarfiliaanneqartariaqarsimapput.

- Sinerissap ilaani ataasiakkaanik politeeqarfiliaassisoqartariaqarsimavoq, taakkuli eqqisisarniarlugit sinitsinneqareermata anisinneqaqqipput, Ole Hald oqarpoq.

Inuit akissarsilluarnerat pillugu politiit naatsorsuutigisimagaluarpaat sapaatip akunnerata naanerani ulapingaatsiassallutik. 

Ole Hald erseqqissaavoq arfininngornerup ingerlanerani aqqusinermi eqqissiviilliortoqarsimasoq.

- Angerlarsimaffinni eqqissiviilliortoqalaarpoq eqqissisariartortariaqarsimasatsinnik, taakku sinerissap ilaani Nuummilu pipput, taanna oqarpoq.