Ukraine Rusland-ilu Tyrkiami ataatsimiissapput
Ataasinngornermi Forhandlere fra Ukraine-mit Rusland-imillu isumaqatigiinninniartartut Tyrkiami illoqarfimmi Istanbulimi ataatsimiissapput. Tyrkiami naalakkersuisuni qaffasissumik atorfilik allanik annikitsualunnik taasaqarnani Reuters-imut oqarpoq.
Tyrkiami præsidenti Recep Tayyip Erdogan isumaqatigiinniarnernut kingullernut qaaqqusisuuvoq. Sakkuaakkunnaarnissamik kinguneqassasut Tyrkia neriuppoq.
Ukrainep siuttua præsident Volodymyr Zelenskyj-p isumaqatigiinniarneq sioqqullugu aalajangiusimavaa Ukrainep killeqarfii ataqqisariaqartuusut. Tamatuma tungaatigut siornatigut ersersitsigaluarpoq isumaqatigiinniarnikkut naapiffeqarnissaq piareersimaffigalugu.
Kisianni sapaatiummat unnulluartoq Ukrainemiunut oqalugiarnermini videokkut aallakaatinneqartumi Zelenskyj oqarpoq Ukraine nunap ilaata kangisissup Donbassip saqitsaassutigineqarnerani arlaannaannulluunniit illersuinissami pinngitsoornisaa naapissutigisinnaallugu.
Nunap ilaa Donbass kunngiitsuuffeqarfinnik avissaarniartut marluupput, Luhansk aamma Donetsk. Tamarmik immikkoorniartunit russinik illersuisunit aqunneqarput.
Sapaatiummat apersoneqarnermini Zelenskyj-p paasisimanerarpaa nunap ilaa Ruslandimit tiguarneqartoq utertissallugu ajornassaqisoq. Taamaaliortoqariaraluarpat sorsunnersuit pingajuat aallartinneqarsinnaanerarpaa.
Ukrainep Ruslandillu akornanni isumaqatigiinniarnerni Ruslandip piumasaraa Ukraine arlaannaannullunniit ililiutissanngitsoq.
Arlaannaannulluunniit ililiutinnginnerup kinguneraa nunat ssigiinngitsut akornanni attaveqarnerup aamma naalagaaffiit pisinnaatitaaffiisa tungaasigut naalagaaffik arlaannaannilluunniit illersuisuussanngitsoq, aamma naalagaaffiit allat akerleriinneranni sakkutooqarnikkulluuniit suleqatigiinneranni akuliutissanngitsoq.
