Ukiukitsut pingasut qimuttunik toqoraasimasutut pasisaapput

Politiit suliat umiatsiaaqqamik aquuteralalimmik aallarussisimanermut, aallaasinik pingasunik tillissimanermut aamma qimminik qimuttunik qulinik tqoraasimanermut tunngasut isumagittoqarfimmut suliassanngortippaat.

Allattoq Hanna Vestergaard Hviid

aggustip 23-at 2023 15:56

Nutserisoq Najaaraq Egede

Qimmit qimuttut qulit Qasigiannguit kujatinnguaniittumi qeqertamiittut eqqaanneqarlutik toqutaasimasut ataasinngornerup ullaassaani paasineqarput.

Kalaallit Nunaanni Politiit suliaq, sissamiittunik umiatsiamik aallaasinillu pingasunik tillinniarsimanermut attuumassuteqartoq erngerlutik pasitsaappaat.

Inuusuttut pingasut pinerluuteqarsimasutut pasisat maanna kinaassusersineqarput. Kalaallit Nunaanni politiit tusagassiorfinnut taama nalunaarput.

Aamma atuarukQasigiannguani qimmit qimuttut qulit aallaaneqarlutik toqutaasimasut

Pinerluuteqarsimasutut pasisat tamarmik pinerluttulerinermi inatsit malillugu ukiukitsuunertik pillugu unnerluussassanngortinneqarsinnaanngimmata, suliaq isumaginninnermut oqartussanut tunniiunneqarpoq.

Umiatsiaq ataasinngornerup ullaavani illoqarfimmut utersimalermat piginnittuanut utertinneqarpoq.

Pisunut atatillugu Qasigiannguani innuttaasut politiinut saaffiginnittorpassuusimapput, taakkulu iluaqutigalugit inuusuttut pingasut pasisat kinaassusersineqarlutik. Politiit innuttaasunut ikiuuttunut tamanut qujapput.

Nutaarsiassami kukkunermik nassaarsimaguit uunga allaffigineqarsinnaavugut.