Ujaasineq taamaatinneqartoq
Politiit aamma Issittumi Sakkutooqarfik angummik 29-nik ukiulimmik arfininngornermi ualikkulli ujaasilerput. Taakkulu ujaasinertik sapaammi ualikkut taamaatippaat.
Politiit aamma Issittumi Sakkutooqarfik angutip 29-nik ukiullip ujaarineqarnerani nammineq kajumissutsiminnik ujaaseqaasunit arlalinnit ikiorneqarput.
Allattoq Nicole Sander Bertelsen
maajip 13-at 2024 10:19
Angut 29-nik ukiulik maqaasineqartutut arfininngornermi ualikkut nalunaarutigineqarmalli nassaarineqanngilaq.
Issittumi Sakkutooqarfiup ujaasineq - nalunaaruteqartoqarneranit ulloq ataasinngajak qaangiuttoq - sapaammi nalunaaqutaq 15.30 taamaatippaa.
Kalaallit Nunaanni Politiit pigaartuisa pisortaat, Preben Kleist ataasinngornermi ullaap tungaani paasissutissiivoq.
- Angummi sumiiffimmi annertungaatsiartumi iluatsinngitsumik ujaasinitta kingunerisaanik ujaasinermik taamaatitsiniarluta ippassaq ullaap tungaani aalajangerpugut, taanna oqarpoq.
Angut Qaqortumit Narsamut tallimanngornermi unnukkut aallarpoq, arfininngornermilu ualikkut suli tikissimanani. Taamaammat angutip arnaata maqaasineqartutut nalunaarutigaa.
