Tysklandip orpippassuini aamarsuarfiliortoqarniarnera inuit 4000-it akerliuffigaat
Tysklandip kippasissortaani orpippassuit ilaanni Hambacherimi akerliussutsimik ippassaq sapaammi takutitsisoqarmat inuit arfineq-pingasut, taakkunannga politiit pingasut, aqqunartiterput.
Allattoq Ritzau
septembarip 17-at 2018 08:46
Nutserisoq Mads Lynge
Suliffeqarfiit ilaata Hambacherip orpippassuini aamarsuarfiliorniarnera inuit 4000-it missaat akerliuffigaat.
Avatangiisit pillugit suliniaqatigiiffiit arlallit oqaatigaat inuit akerliussutsiminnik takutitsisut 5000-it 9000-illu akornanniissimassasut.
Akerliussutsiminnik takutitsisut akornanni 200-t missaat politiit assersuinerat soqutiginagu Hambacherip orpippassuinut pulaniarsarilermata aporaattoqalerpoq.
Inuit katillugit 14-it politiinit tigusarineqarput.
Tysklandimi nukissiorfiit annerit ilaat RWE, Hambacherip orpippassuinik akisussaasuusoq, nuna 100 hektaritut annertutigisup orpiinik uppikaatitsiniarpoq tassanilu aamarsuarsiorfiliorniarluni. Aamarsuit piiarniarneqartut mingutsitsinerpaat ilaanniittut ilaatigut oqaatigineqartarpoq.
