Tysklandimi savilersorluni saassussisoq parnarussaasoq IS-imut ilaasortaasutut pasineqarpoq
![](/sites/default/files/styles/image_934x467/public/2024-08/20240824-155440-L-8256x5504ma.jpg?itok=Yn9pkEOS)
Tallimanngormat tyskit illoqarfianni Solingenimi illoqarfimmi nalliuttorsiortoqarnerani inuit pingasut inuunerannik akeqartumik savilersortoqarnerani tigummigallagassanngortinneqarpoq syriamit kingoqqisoq angut 26-inik ukiulik.
(IS)-imi sakkulersorlutik pikitsitsinianut ilassortaasutut angut tyskit unnerluussisussatitaat malillugit pasineqarpoq.
Taamaattumik unnerluussisusut tallimanngormat savilersorluni toqutsinerit pinerliiniarnertut misissorpaat.
Arfinninngormat unnukkut IS akisussaassuulluni nalunaarpoq. Pinerliiniaqatigiilli nalunaarutiginninnerminnut uppernarsaasimanngitsut Reuters allappoq.
Atisat aagasattut
Angut 26-inik ukiulik tigusarisimallugu sapaatiummat ullaakkut politiit uppernarsarpaat.
Tamanna pivoq arfininngormat pisuutinneqartoq ullup ataatsip qaangiunnerani politiinut imminut tunniutereermat.
26-inik ukiulik imminut tunniunnermini atisamigut ersarissunik aagasattoq nutaarsiassaqartitsivik DPA allappoq.
Pasisaasoq qulimiguulimmik politiinit sakkulersorluarsimasunik paarineqarluni Karlsruhemi eqqartuussiviliaanneqarpoq.
Toqutaasut pingasut saniatigut inuit arfineq pingasut ikiligaapput. Ikiligaasuni sisamat siusinnerusukkut peruluttutut nalunaarutigineqartut maanna inuunerminnik ulorianartorsiorunnaarput.
Savilersorluni saassussineq pivoq Solingep ukiunik 650-inik pilersinneqaqqaarnerminik nalliuttorsiutiginninnerani, nalliuttorsiutiginninneq akunneq naallugu pisussaasimagaluarpoq, saassussinerlu pissutigalugu oqartussanit nalliuttorsiutiginninneq unitsinneqarpoq.
Toqutaasut tassaapput angutit marluk, aappaa 67-inik ukioqartoq aappaa 56-inik ukioqartoq kiisalu arnaq 56-inik ukioqartoq.
/ritzau/