Tyskland maligassiuisuusariaqarpoq
Nunarsuup kiatsikkaluttuinnarnera akiorniarlugu Tyskland siuttuusariaarpoq, taamatut oqarpoq, EU-p avatangiisit pillugit kommisær-ia Stavros Dimas.
Silaannaap allangoriartornerata akiorniarneranut Tyskland-ip inissisimanini atorluartariaqarpaa maligassiuilluni, Stavros Dimas Tyskit aviisianni Bild am Sontag-imi apersorneqartilluni oqarpoq.
Tyskland maannakkut EU-mi siulittaasoqarneq tigummivaa, EU kommission-illu siunnersutaa, gassip aniasup annikillisineqarnissaanik siunnersuut Tyskland-ip isumaqatiginngilaa.
- Tyskland nangaasutut inissisimaguni, Europap sinnera malinnaassaaq., Stavros Dimas oqarpoq.
- Europami peqataanngippat nunarsuup sinnera aamma malinnaassanngilaq, Stavros Dimas oqarpoq.