Tyrkiap USA-mit tatineqaraluarluni Ruslandimut sakkussiat pillugit isumaqatigiissutini attatiinnaraa
- S-400-nut tunngatillugu isumaqatigiissut naammassineqareerpoq. Tunniutiinnarusunngilagut, Tyrkiap illersornissamut ministeria Mevlüt Çavusoglu, pingasunngornermi NATO-p ukiunik 70-inngortorsiornerani oqarpoq.
USA-p F-35-nik taakkulu kingoraartissaannik niueruteqarnini unitsippaa. Tyrkiamut timmisartunik niuerneq tamakkiisumik unitsinneqaratarsinnaasoq ilaatigut iliuusissaasinnaavoq.
Timmisartut malersuutit F-35-t 100-t missaat pisiarinissaannut Tyrkia isumaqatigiissuteqarpoq. Sillimatissat ilitsersuutillu unitsinnissaannik aalajangiineq, Tyrkiap USA-mit timmisartunik malersuuteqarsinnaanera Ruslandimillu sakkunut aaqqissugaateqarsinnaanera ajornartoq pillugu, USA-mit manna tikillugu oqariartuutaavoq sakkortunerpaaq.
/ritzau/Reuters