TV 2-p siulittaasuata Kalaallit Nunaanni qinersinermi suliamut tunngatillugu piaaraluni kukkussutaannginneraraa
![](/sites/default/files/styles/image_934x467/public/article_images/7v9a6236.jpg?itok=D7bvU1jY)
Naalakkersuisut siulittaasuat, Múte Egede, pillugu TV 2-mi kingunerisaanik peerneqartariaqartumik ilanngutassiarineqarmat, Kalaallit Nunaanni qinersinerup inernerinik piaarilluni sunniiniartoqarsimanngilaq.
Suliamut tunngatillugu siulersuisut siulittaasuat, Jimmy Maymann, taama nassuiaavoq. Taama Mediawatch allappoq.
Tassunga tunngatillugu, kulturikkut ministeriusimasup Joy Mogensenip TV2-mut nassuiaaqqusivoq.
AAMMA ATUARUK TV2-mi pisortaq isornartorsiorneqareernermi kingorna soraartoq
- Kalaallit Nunaanni inatsisartunut qinersinissamut tunngatillugu ilanngutassiinermi, suliaqartuni aaqqissuisoqarfimmilu pisortap nassuiaataani, TV 2-p aaqqissuisoqarfiunerata apriilip arfernani tigusaani, imaluunniit suliamut tunngatillugu aaqqissuisoqarfimmi pisortap misissueqqinnerani takussutissartaqanngitsoq, ilanngutassiami piaaraluni kukkusoqarsimaneranik takussutissartaqanngitsoq, suliap misissorneqarneranut tunngatillugu siulittaasuni aalajangiinissaq nassuiaateqarnissaq pingaaruteqarsimavoq, Jimmy Maymann issuarlugu Mediawatch allappoq.
Ilanngutassiaq peerneqartoq
Múte Egede nammineq aningaasatigut iluaqutissaminik, suliani marlunni attuumassuteqarpallaarnerminik, Kalaallit Nunaanni inatsisartunut qinersisoqanngilaataani saqqummiunneqarsimasumi ilanngutassiarineqarpoq.
Ilanngutassiaq eqqunngilaq, ilanngutassiarlu peerneqartariaqarsimavoq ilanngutassiarineqarsimaneranullu TV2-mit ajuusaarutigineqarluni.
Nalunngisatsitullu Kalaallit Nunaanni naalakkersuinikkut siulittaasunngorluni qinerneqarneqarpaasoq, Múte Egede, qinersinerup inernerinik sunniisoqarniarluni taamaaliortoqarsimassasoq isumaqarpoq.
Suliaq pillugu TV2 isornartorsiorneqangaatsiarpoq, ilanngutassiallu saqqummiunneqarnissaanut nukingisaarisuusoq aaqqissuusinermut pisortaq, Ulla Østergaard, kingunerisaanik nammineerluni soraarpoq.
AAMMA ATUARUK Mute B. Egede til medie: Politisag er måske være på vej mod TV2
Ilanngutassiaq saqqummiunneqarmat TV 2-mi suliamik ingerlatseriaaseq malinneqarsimanngitsoq nassuiaammi allaqqavoq.
TV 2-mi sulianik ingerlatsinermi periusaasoq malillugu, ilanngutassiat tamarmik suleqatigisaamiit kinguneranilu aaqqissuisoqarfimmiit atuarneqaqqaartussaasut, nassuiaammi allaqqasoq, Mediawatch allappoq.
Tusagassiortut aaqqissuisulluunniit ileqqoreqqusaasunik iliuusissatut pilersaarutit tusagassiornermilu ileqqoreqqusaasut malinneqarnissaanut qulakkeerinninniarpata aaqqissuusinermi pisortaq, ullormi tassani aaqqissuussinermi akisussaatinneqarnerpaasoq, akulerutsinneqarsinnaasoq - ingammik ilanngutassiami tusarfimmi kinaassutsiminnik isertuusisoqartoqarpat.
Kulturimut ministeritaaq akulerukkusunngitsoq
Múte Egedemulli ilanngutassiami, tusarfik kinaassutsiminnik isertuusiffiusumi, aaqqissuusinermi pisortaq akisussaatinneqartoq akulerunneqarsimanngilaq, TV 2-p nassuiaataani allaqqavoq.
Danmarkimi kulturimut ministeritaaq, Ane Halsboe-Jørgensen, Folketingip kulturimut ataatsimiititaliaanut akissuteqarnera naapertorlugu suliamut akulerukkusungitsoq, Sermitsiaq allappoq.
- Ersarissumilli oqarusuppunga, suliaq ilungersunarpoq, taamaattorli demokratii tunngavigalugu qinersisoqanngilaataani taamaaliortoqarsimappat ilungersunavittuusoq paasinarpoq.
- Tamatumillu TV 2 suliap ilungersunartuunera paasisariaqarpaa, Ane Halsboe-Jørgensen issuarlugu, Sermitsiaq allappoq.