TV 2-mi pisortaasimasoq ilanngutassiaq eqqunngitsoq pillugu kisimi pisuussuteqarusunngitsoq
Kalaallit Nunaanni inatsisartunut qinersileruttornermi, politikerimut Múte Egedemut, eqqunngitsumik ilanngutassiamut tunngatillugu, TV 2-mi aaqqissuusinermut pisortaasimasup, Ulla Østergaardip, kisimiilluni pisuunnginnerarpoq.
Tusagassiorfik Berlingske taama allappoq.
Suliamut tunngatillugu, TV 2-mi pisortaasimasoq atorfimminiit junimili tunuarmalli, atsaat oqaaserpoq.
AAMMA ATUARUK TV 2-p siulittaasuata Kalaallit Nunaanni qinersinermi suliamut tunngatillugu piaaraluni kukkussutaannginneraraa
Aaqqissuusinermi pisortatut inissisimanini Ulla Østergaardip tusagassiorfimmut nassuerutigaa. Taamaattorli TV 2-mi tusagassiortunit marlunnit ilanngutassiarineqartumut kisimiilluni pisuunnginnerarpoq.
- Ukiuni 30-ni tusagassiortuuninni ilanngutassiamut tunngatillugu misissueqqissaarnissamut imaluunniit allaaserineqartoq pillugu tusarniaasoqassanersoq pisortannut akuersititseqqaartarsimanngilanga. Tusarniaasoqartarsimaneranullu qulakkeerinnittoqartarsimavoq, Ulla Østergaard tusagassiorfimmut Berlingskemut oqarpoq.
Aaqqissuisoqarfiup iluani misissuineq
TV 2-mut pisortaasimasoq misissuinissamut akisussaatinneqarnerpaatut inissinneqareersorlu, tv-p aaqqissuusisoqarfiup iluani misissuisoqareersorlu taama oqaaseqartoqarpoq.
"TV 2-mi ilanngutassiortoq aaqqissuusisorlu pingaarutilimmik akisussaasuusut", misissuinermi oqaatigineqarpoq.
Múte Egede nammineq aningaasatigut iluaqutissaminik, suliani marlunni attuumassuteqarpallaarnerminik, Kalaallit Nunaanni inatsisartunut qinersisoqanngilaataani saqqummiunneqarsimasumi ilanngutassiarineqarpoq.
Ilanngutassiaq eqqunngilaq, ilanngutassiarlu peerneqartariaqarsimavoq ilanngutassiarineqarsimaneranullu TV 2-mit ajuusaarutigineqarluni.
Eqqunngitsumik pasilliineq politiinut unnerluutiginiaraa
Kalaallit Nunaanni naalakkersuinikkut siulittaasunngorluni qinerneqarneqarpaasoq, Múte Egede, qinersinerup inernerinik sunniisoqarniarluni taamaaliortoqarsimassasoq isumaqarpoq.
TV 2-p eqqunngitsumik pasilliinerat politiinut unnerluutiginiarlugu politikerip kinguneratigut kalerriutigaa.
Suliamut tunngatillugu, Ulla Østergaard, akisussaatinneqarnini nassuerutigigereeraalu, ilanngutassiami Múte Egede tusarniaaffigineqarsimannginneranut paasigamiuk "annilaarsimaqaluni" tusagassiorfimmut Berlingskemut oqarpoq.
AAMMA ATUARUK Mute B. Egede til medie: Politisag er måske være på vej mod TV2
Isumaqaramimi tusarniaaffigineqarsimaneq pereersoq, taanna nassuiaavoq.
Ilanngutassialli saqqummiunneqarnissaanut tusagassiortunut nukingisaarisimanera, Ulla Østergaardip eqqunnginnerarpaa, ilanngutassiamullu tusarfik kinaaneranut ilisimatitserusunnani.
Kalaallit Nunaanni qinersinerup inernerinik piaarilluni sunniiniartoqarsimanngitsoq, TV 2-mi siulersuisut siulittaasuat, Jimmy Maymann, ataasinngornermi nassuiaavoq.