Tusagassiuutit pillugit nalunaarut ullumi saqqummersinneqassaaq

Nunatsinni tusagassiuutit ineriartortinneqarnerisa misissuiffigineqarnissaat siunertaralugu nalunaarut, suliffeqarfinnit tusagassiuinermik suliaqartunit assigiinngitsunit suliarineqartoq, ullumi saqqummersinneqassaaq.

Nunatsinni aviisinit marluusunit, Tusagassiortunngorniarfimmit, Tusagassiortut Danmarkimi Kattuffiannit, illoqarfiit tusaataannit - TV-qarfinnit, KANUKOKA-mit KNR-imillu peqataaffigineqarlutik suleqatigiit pineqartut Naalakkersuisunit pilersinneqarput.

Suleqatigiit nalunaarutaat: "Tusagassiuutit nukittuut - peqatigiilluta siunissaq pilersissavarput" - kalaallisut qallunaatullu saqqummersinneqareerpoq, Naalakkersuisuniillu Inatsisartunut ilisimatitsissutitut nassiunneqarluni.

Suleqatigiit pilersinneqareermata, aviisit angisuut marluk, tassa Atuagagdliutit Sermitsiarlu, aningaasaqarniarneq pissutigalugu kattupput, tamatuma kinguneranik tusagassiuutit ingerlalluartut isornartorsiuisinnaasullu, Namminersornerup ineriartortinneqaleruttorfiani, Nunatta oqaluttuarisaanerani pingaaruteqarluinnartut, tamatuma kingorna oqallisaangaatsiarlutik.

Nalunaarusiap ualeru saqqummiunneqarneranut atatillugu tusagassiorfiit katersortinneqassapput, Kultureqarnermut Naalakkersuisoq, Mimi Karlsen aamma suleqatigiit siulittaasuat, KNR-ip pisortaa Ivalo Egede tassani aamma peqataassallutik.

Suleqatigiit nalunaarusiaat namminersorlutik Oqartussat nittartagaanni ualerumiit atuarneqarsinnaassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat