Tusagassiuutit pillugit Aaliangiisartut KNR isornartorsiuutigaat

Apriilimi KNR-i nittartakkamini tusagassiuutip nunami allameersup oqaluttuarisimasaanut issuaalluni ilanngutassiamik saqqummiivoq, tassani ilaatigut Pele Broberg-ip amerikamiumut niuertumut Det Hvide Hus-imut attuumassuteqartumut atassuteqarsimasinnaanera allaaserineqarpoq.

Niuertup Kalaallit Nunaanni sunniiniaanera pillugu Pele Broberg-ip ilumuunnginnerarlugu oqaatigisimasaa KNR-ip ilanngutassiami kukkusumik allassimavaa. Uffa niuertup Kalaallit Nunaanni sunniiniaasimanera ernumassutiginagu oqaatigiinnarsimagaa.

Aammattaaq Pele Broberg-ip tusagassiuutip nunami allameersup ilanngutassiaani paasissutissat arlallit eqqortuunngissorai. Taakkualu ilanngutassiap tamanut saqqummiutinnginnerani, KNR-ip Pele Broberg-i oqaaseqaateqarfiginissaanut periarfisseqqaarnangu ilanngutassiaani issuarneqarsimallutik.

Niuertup sunniiniarnera pillugu Pele Broberg-ip tusagassiuummut nuna allameersumut oqaatigisaa, KNR-imit kukkusumik issuarsimaneraTusagassiuutit pillugit Aaliangiisartut isornartorsiorpaat. Aammattaaq ilanngutassiap tamanut saqqummiunneqannginnerani, paasissutissat arlallit pillugit Pele Broberg-i oqaaseqarnissaminut periarfissinneqarsimannginnera aalajangiisartut isornartorsiorpaat.

Tusagassiuutit pillugit Aaliangiisartut nalunaarutip qulaani allassimasup saqqummiunnissaa pillugu uatsinnut peqqussuteqarput. Aalajangiissut tamakkiisumik allataq, Tusagassiuutit pillugit Aaliangiisartut nittartagaanni atuarneqarsinnaavoq.