Moskvami sorsunnermut akerliussutsimik takutitsineq: Tusagassiortut russit politiivinit tigusarineqarput

Moskvami akerliussutsimik takutitsisoqarnera pillugu tusagassioriartortut, Russit politiivisa tusagassiortut 20-it tigusarisimavaat.

Nuliaasut uitik Ukrainimi sorsoqataasut pillugit, Moskvami sakkutooqarnermik takutitsiviutigaluni ingerlaarfiusartumi, sorsunneq pillugu akerliussutsimik takutitsipput.

Tusagassiortut tigusarineqartut russiupput nunanillu tamalaaneersortaqarlutik.

Tigusarineqarsimasut tamarmik angutaapput.

Arnat Moskvami akerliussutsimik takutitsineranni, tusagassiortut filmiliuleruttortut tigusarineqarput.

Taama nutaarsiassaqartitsivik AFP allaaserinnippoq, taakkuuppullu tusagassiortuutiminnittaaq tigusaasortaqartut.

Arnat akerliussutsimik takutitsisut eqimattat, ilaat Ukrainemi sorsoqataasunik ueqarput, sapaatillu akunnerpaalussuini, Moskvami akerliussutsimik takutitsinerat ingerlasimalerpoq.

Arnat akerliusut piumasarivaat, ernitik uitillu angerlartinneqassasut.

Ingerlaaqatigiit taaneqartut Angerlamut Aqqut, tapersersorneqarluni annertusiartorpoq, taannalu ilaqutaasut kamanneranniit pakatsinermiillu tunuliaqutaqarpoq, angutit russit Ukrainemut sorsukkiartortinneqarneranniit tunngaveqarluni.

Russit præsidentiata Vladimir Putinip Ukrainimut saassussititsineranik, russit angutit sorsukkiaqquneqarneranni 2022-imi tamanna pivoq.

Russit sorsunneq pillugu, akerliussutsimik takutitsinerat navianartortaqanngitsuunngilaq, unalu russit saassussinerat, "sakkutuut immikkut suliaqarnerannik" taaneqarnikuuvoq.

Sorsunnermut akerliunermut takutitsisut isornartorsiuisullu, Russit ikigisassaanngitsut sivisuumik paarnaarussassatut pineqaatissinneqareerput.

Russilli arnataat akerliussutsimik takutitsisut, maannamut tingusaasimanatillu pillagaasimanngillat.

Eqqartorneqartoq immikkut isumalerujussuuvoq, Ruslandimi præsidentimut qinersisoqarnissaa marsimi pisussaq qanillimmat, ilimagineqareerporlu Putini tallimassaaneerluni præsidentitut qinerneqaqqissasoq.