Tusagassiortoq Elna Egede toquvoq
Nunatsinni tusagassiortut qunusuinnersaasa ilaat, Elna Egede, toquvoq.
Taassuma ukiut 70-it angugai, KNR-p siulersuisui eqqaaniutiminni allapput.
Elna Narsami inunngorpoq meeraanerminilu inuttut annaasaqaqaaq. Elna tallimaannarnik ukioqartoq angutaa toquvoq, kingornalu arnaa, taamaattumillu qatanngutini nukarliit akisussaafigilerlugit. Inuttut aqqusaakkani pissutigalugit isumaginninnermut tunngasunik pimoorusseqaluni apeqqusiisarpoq.
Elna Egede KNR-imi atuaasutut aallartippoq kingornalu tusagassiortutut ilinniagaqalerluni. Taanna ilaatigut AG-mi, KNR-imi Nuuk TV-milu sulisimavoq.
Nunatsinni politikeritnik peqquserluttuliortoqarneranik 2007-mi qulaaajaavoq. Tamanna suliffimminik annaasaqaatigivaa, suliaali inuiaqatigiinni allannguinermik tunngaviliipput.
Elna Egede TP-mit (Tusagassiuinermik Sulisut Peqatigiiffiat) nersornaaserneqarpoq aamma ´innuttaasut qullersaannut isornartorsiuisimanera´ pillugu Dansk Journalistforbundip Fagligt Forumiani Københavnimi 2008-mi legatinnalluni nersorneqarpoq.
- Taakku nersornaatit Elna Egedep ilumoortumik aamma naapertuilluarnermik ersersitsiniarluni malartitassaanani pimoorussilluni sulisarneranut uppernarsaataapput, KNR-ip siulersuisui KNR's eqqaaniutiminni allapput.