Qaqortoq Fish ApS Tunup imartaani kujataanilu pisassinneqarpoq
Ukiup naanissaata tungaanut qaammatit pingasuinnanngullartullu Qaqortoq Fish Aps, Tunup imartaani kujataanilu ukioq manna pisassiissutinik pingasunngormat saarullittassinneqarpoq qaleralittassineqarlunilu. Saarullittassiissutit 838 tonsit, qaleralittassallu 295 tonsit ukioq naatinnagu aalisarneqarsinnaasasut neriuutigineqarpoq.
Allattoq Jørgen Semionsen
septembarip 29-at 2017 19:29
Qaqortoq Fish Aps, tassa aalisartut umiatsiaararsortut 14-iullutik piginneqatigiillutik ningittagarsuummik aalisariutissaat pingasunngormat kiisami aalisagagartassinneqarpoq.
-Massakkut qujanartumik iluatsippoq. Tassa 838 tonsinik saarullittassanik ippasssaani tunineqarput, taavalu aamma qaleralittassat 295 tonsit, Qaqortoq Fish ApS-imi pisortaq Gerhardt Petersen oqarpoq.
Kujataani aalisarnerup ukioq manna ingerlanerlunnera pissutaalluni Kujataani suliffissuarni sulisut ikileriarujussuarnerat pillugu Qanoruumi marlunngormat ilanngutassiaraarput. Tassanilu Qaqortoq Fish Aps-meersut pisassineqarnissaminnik utaqqikatannerat pillugu oqaaseqartoqarpoq. Aqaguanilu pisassinneqarput.
