Tunngaviusumik inatsit ukiut marluk pingasut qaangiuppata piareersimassaaq
Tunngaviusumik inatsisissamut isumalioqatigiissitap sulinissaanut allaaserisami atuarneqarsinnaavoq, ilaasortat arfineq marluusut tunngaviusumik inatsisissamut siunnersuummik ataatsimik ukiut marluk pingasulluunniit ingerlannerani saqqummiussissasut, Isumalioqatigiissitap sulinissaanut allakkiami Sermitsiaq.AG-imit pissarsiarineqartumi atuarneqarsinnaavoq.
AAMMA ATUARUK Inatsit tunngaviusut pillugit isumalioqatigiissitaq pilersinneqartoq
Isumalioqatigiissitap sulinerata sivitsorneqarsinnaanera pisariaqassappat isumalioqatigiissitap sulinermini
piffissamik sivitsortinnissaanut periarfissaqarpoq, sivitsuineq Naalakkersuisunit
akuerineqassaaq.
Tunngaviusumik Inatsisissaq pillugu Isumalioqatigiisitap Kalaallit Nunaata
Tunngaviusumik Inatsisissaanut siunnersuut immikkoortunut marlunnut
piffissami marlunni assigiinngitsunut tunngaviusussamik siunnersuusiussaaq.
Immikkoortup aappaa Kalaallit Nunaat inatsisinit tunngaviusunit aamma
danskit naalagaaffiannit anippat kalaallillu inuit namminerisaminnik
naalagaaffimmik namminiilivissumik pilersitsippata aatsaat
atulersinneqassaaq, isumalioqatigiissitap suliai pillugit nalunaarusiami taama allassimavoq.
AAMMA ATUARUK Tunngaviusumik inatsimmik suliaqarneq taasititseratarsinnaasoq
Tunngavisumik inatsisissamut isumalioqatigiissitap pilersinneqarnissaanut aalajangerneq sioqqullugu
aallaaviatigut Kalaallit Nunaanni Inatsisinut Tunngaviusussanut Isumalioqatigiissitap sulineranut piffissaq ukiut pingasuunissaat siunnersuutigineqarpoq sulinerup sivitsorneqarsinnaaneranik periarfissiisoqarluni, pingaartunik tunngaviusumik inatsisissaq immikkoortunut marlunnut suliarineqartussaammat, nalunaarusiami allassimavoq.
Tunngaviusumik inatsisissamut isumalioqatigiissitami ilaasortanngortussat arfineq marluusut taakkunannga arfinillit atii pingasungornermi saqqummiunneqarput. Vivian Motzfeldt Siumut isumaqalioqatigiissitami siulittaasuuvoq.
Aningaasanut inatsimmmi 2017-mut atuuttussami isumalioqatigiissitap sulinissaanut 5,5 million kr-nik immikkoortinneqarput aamma taama amerlatigut aappaagumut immikkoortinneqarlutik.
AAMMA ATUARUK Johansen: Ernumanissaq pisariaqanngilaq
AAMMA ATUARUK Namminerisamik tunngaviusumik inatsiseqalernermi tapiissuteqartarneq unissaaq