Tunngaviusumik inatsimmik suliaqarneq taasititseratarsinnaasoq

Tunngaviusumik inatsimmut isumalioqatigiissitap suliaqarnera Nunatsinni namminiilivinnissaq pillugu innuttaasunut taasititsinermik kinguneqarsinnaanera Demokraatiniit Michael Rosingip ernummatigalugu sapaatip akunnerata siuliani oqaatigaa. Ernumanerlu tunngavissaqartoq ilisimatusarfimmi ilinniartitsisoq Jens Wendel-Hansen isumaqarpoq.

- Brexitimut taasineq tuluit ministeriuneranit EU-miiginnarusuttumit innuttaasuniilli nukingisaarneqartutut misigisumit aallartinneqarpoq, Ilisimatusarfimmi oqaluttuarisaanermut ilinniartitsisoq, Jens Wendel-Hansen oqarpoq.

AAMMA ATUARUK Demokraatit isornartorsiuiaarpallaarput

Jens Wendel-Hansen naapertorlugu tunngaviusumik inatsimmut isumalioqatigiissitaq angalasarlunilu innuttaasunik ataatsimiitsitsisartussaammat tunngaviusumik inatsimmik suliaqarneq innuttaasunik taasititsinermik, politikerit tusaanngitsuusaaginnarsinnaanngisaannik, aallartitseqataasinnaavoq:

Rosing: Nunarput akiliisinnaajunnaarsinnaavoq

- Innuttaasut oqallinnermut akuliuppata taama eqqarsarnissaq qanittuararsuanngorsinnaavoq, taama ittumillu piumasaqarnissaq nukingiunneqarnerulersinnaavoq, Jens Wendel-Hansen oqarpoq.

Partii Naleqqap namminiilivinneq imminnut napatitsilersinnaanermik kingunneqasangatikkaa maluginiarpaa. oqaluttuarisaanermili taamaattumik assersuutissaqanngitsoq, Jens Wendel-Hansenip oqaatigaa.

- Kalaallit Nunaannisut itumik assersuutissaqanngilaq, Kalaallit nunaannilu aassersuummi piffiussami sivikitsuararsuarmi isertitat ilarpassui isertariunnaarneqassapput.

AAMMA ATUARUK Isertortumik qineqqusaartoqarsinnaanera Rosingip ernummatigigaa

Nunarput ukiuni qaninnerusuni namminiilisissappat Nunarput akiliisinnaajunnaassasoq Michael Rosingip Demokraatineersup ernummatigaa.

Frederiksenip taasititsisoqarsinnaanissaa itigartitsissutigisinnaannginnerarpaa

Nunatta naalagaaffimmit aningaasanik ukiumut 3,7 milliardinik koruuninik tapiissuteqarfigineqannginnissaq piareersaatigeqqaartariaqaraa, Jens Wendel-Hansen isumaqarpoq.

Taassuma Saviimmiut assersuutigai. Taakkua 1990-ikkunni siunnersuutigaat namminersulernermut atatillugu ataatsimoortumik tapiissutit ukiuni qulilikkaani ikiliartuaartinneqassasut. Siunnersuulli taanna tusaaneqangaanngilaq.

- Taamani naalakkerrsuisuusut, Nyruppimit siuttuuffigineqartut, oqarput ukiuni pingasuniit sisamanut naakkiginnssinnaallutik, Jens Wendel Hansen oqarpoq.

Namminiilivinnissaq pillugu ukiuni qaninnerni innuttaasut taasitinneqarsinnaanerat itigartitsissutigisinnaanagu, Namminiilivinnissamut naalakkersuisup Suka K. Frederiksenip KNR-imut oqaatigaa.

- Innuttaasut tamanna aalajangissavaat, Suka K. Frederiksen oqarpoq.