Tunngaviusumik inatsit akisusinnaasoq
Tamanna pissaaq tunngaviusumik inatsip nunatta namminiilivinnera aatsaat atuutileraluarpalluunniit. Atuagdliutit taama allaaserisarput.
Tunngaviusumik inatsisissaq akuerineqarpat namminiilivinnissamut sulineq aallartissaaq, taamaammallu tapiissutit peerneqassallutik.
Savalimmiuni innuttaasut kiffaanngissuseqalernissamik tikkuussisumik 2001-mi taasitinneqarnialermata aamma taama pisoqarpoq. AG taama allappoq.
Taamani ministeriunerusup Poul Nyrupip erseqqissumik oqaatigaa taasititsineq taamaattoq namminiilivinnissamik aallarniutaassasoq, taamaammallu ukiut sisamat ingerlanerini naalagaaffimmit savalimmiunut tapiissutit unitsinneqassasut. Kingorna Savalimmiut taasitinneqarnissaat unitsinneqarpoq.
Massakkut ministeriunerusup Løkkep aamma erseqqissumik oqariartuutigaa, Kalaallit Nunaanni tunngaviusumik inatsisissaq akuerineqassappat nunarput assinganik pineqassasoq.
- Kalaallit Nunaata namminiilivereernerani naalagaaffiup tapiissuteqartarnissaa sulianilluunniit peqataasarnissaata sivisunerusumik pinissaa takorloorsinnaanngilara, Lars Løkke Rasmussen aviisi AG naapertorlugu folketingimi nunatta tunngaviusumik inatsisissaa oqaluuserineqarmat oqarpoq.
AAMMA ATUARUK Lars Løkkep tunngaviusumik inatsimmut sulinissaq paatsungassutigigaa
AAMMA ATUARUK Isumalioqatigiissitap siulittaasua periarfissamik ammaassisoq
AAMMA ATUARUK Isumalioqatigiissitaq nunatta naalagaaffinngornissaanut sulissutiginnilersoq
